ରଥଯାତ୍ରା ପାଇଁ ସ୍ବାସ୍ଥ୍ୟ ବିଭାଗର ବଡ଼ ପଦକ୍ଷେପ, କୋଭିଡ୍ ଲକ୍ଷଣ ଥିବା ବ୍ୟକ୍ତିଙ୍କୁ ପୁରୀ ମନା
ଭୁବନେଶ୍ୱର: ରଥଯାତ୍ରାକୁ ନେଇ ସ୍ୱାସ୍ଥ୍ୟ ବିଭାଗର ବଡ଼ ପଦକ୍ଷେପ । କୋଭିଡ ଲକ୍ଷଣ ଥିବା ବ୍ୟକ୍ତିଙ୍କୁ ରଥଯାତ୍ରା ମନା । କାଶ, ଜ୍ୱର, ଥଣ୍ଡା ଓ ଛିଙ୍କ ହେଉଥିଲେ ପୁରୀ ନଯାଇ ଘରେ ବସି ରଥଯାତ୍ରା ଦେଖିବାକୁ ପରାମର୍ଶ ଦେଇଛି ସ୍ୱାସ୍ଥ୍ୟ ବିଭାଗ । ରଥଯାତ୍ରା ପାଇଁ ପୁରୀରେ ପର୍ଯ୍ୟାପ୍ତ ପରିମାଣର ସ୍ୱାସ୍ଥ୍ୟ କେନ୍ଦ୍ର ଖୋଲାଯିବ । ପୁରୀକୁ ଯାଉଥିବା ଭକ୍ତଙ୍କୁ ମାସ୍କ ଯୋଗାଇବ ସ୍ୱାସ୍ଥ୍ୟ ବିଭାଗ । ଏହାସହ ଭିଡ଼ ସ୍ଥାନକୁ ନଯିବାକୁ ଅନୁରୋଧ କରାଯାଇଛି । କେବଳ କୋଭିଡ ନୁହେଁ ଝାଡା, ବାନ୍ତି ଭଳି ରୋଗ ପାଇଁ ସଚେତନ ରହିବାକୁ କହିଛି ସ୍ୱାସ୍ଥ୍ୟ ବିଭାଗ । ଏନେଇ ଆଜି ସ୍ୱାସ୍ଥ୍ୟ ମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ବସିବ ।
