ଦୁର୍ଗାପୂଜା ମଣ୍ଡପରେ ସାଂସ୍କୃତିକ କାର୍ଯ୍ୟକ୍ରମ ବନ୍ଦ ପାଇଁ କହିବାରୁ ଭାଙ୍ଗିଲେ ପୋଲିସ ଗାଡ଼ି
ବରଗଡ଼: କରୋନା କଟକଣା ଭିତରେ ଦୁର୍ଗାପୂଜା ପାଇଁ ଅନୁମତି ରହିଛି । କୌଣସି ପ୍ରକାର ସାଂସ୍କୃତିକ କାର୍ଯ୍ୟକ୍ରମ ହୋଇପାରିବ ନାହିଁ । କରୋନା କଟକଣା ଉଲ୍ଲଂଘନ କରି ସାଂସ୍କୃତିକ କାର୍ଯ୍ୟକ୍ରମ ଚାଲିଥିବା ବେଳେ ବନ୍ଦ କରିବାକୁ ଯାଇ ଆକ୍ରୋଶର ଶିକାର ହୋଇଛି ପୋଲିସ । ଝାରବନ୍ଧ ଥାନା ଡଭା ଗାଁର ମଣ୍ଡପରେ ମାଆଙ୍କ ପୂଜା ସହ ସାଂସ୍କୃତିକ କାର୍ଯ୍ୟକ୍ରମ ଚାଲିଥିଲା ।
ସୂଚନା ପାଇ ପୋଲିସ ପହଞ୍ଚି ସାଂସ୍କୃତିକ କାର୍ଯ୍ୟକ୍ରମ ବନ୍ଦ ପାଇଁ କହିଥିଲା । ପ୍ରବଳ ଭିଡ଼ ମଧ୍ୟରେ ପୋଲିସର କଥା କେହି ଶୁଣିନଥିଲେ । ଓଲଟା ପୋଲିସକୁ ଗାଳିଗୁଳଜ କରିବା ସହ ପିସିଆର୍ ଭ୍ୟାନ କାଚକୁ ଭାଙ୍ଗି ଦେଇଛନ୍ତି । ଗୁରୁବାର ରାତି ପ୍ରାୟ ୯ଟା ବେଳେ ଏ ଘଟଣା ଘଟିଛି । ଏନେଇ ଝାରବନ୍ଧ ପୋଲିସର ପ୍ରତ୍ରିକ୍ରିୟା ମିଳିପାରିନାହିଁ ।
