‘କିଛି ଲକଡାଉନକୁ ହାଲକାରେ ନେଇ ମନୋରଞ୍ଜନ କରୁଛନ୍ତି’

ଭୁବନେଶ୍ୱର: ଗ୍ରାମାଞ୍ଚଳରେ ଲକଡାଉନ ନିୟମକୁ ନମାନି କିଛି ଲୋକ ତାସ୍ ଖେଳ ପାଇଁ ଏକାଠି ହେଉଛନ୍ତି । ଯାହାକି ବିପଦପୂର୍ଣ୍ଣ । ତାସ୍ ଖେଳ ବେଳେ ସାମାଜିକ ଦୂରତା ରକ୍ଷା ହେଉନାହିଁ । ଫଳରେ ଭୂତାଣୁ ସଂକ୍ରମଣର ଆଶଙ୍କା ବୃଦ୍ଧି ପାଉଛି । କାଶ, ଛିଙ୍କ ଦ୍ୱାରା ସଂକ୍ରମଣ ତାସ୍ ଖେଳ ମାଧ୍ୟମରେ ସହଜରେ ବ୍ୟାପିପାରେ । ସଂକ୍ରମଣ ରୋକିବାକୁ ତାସ୍ ନଖେଳିବାକୁ କରୋନା ମୁକାବିଲା କମିଟି ମୁଖପାତ୍ର ସୁବ୍ରତ୍ ବାଗଚୀ କହିଛନ୍ତି ।

କରୋନା ସଂକ୍ରମିତଙ୍କ ମଧ୍ୟରେ ବୟସ୍କଙ୍କ ତୁଳନାରେ ଯୁବାଙ୍କ ସଂଖ୍ୟା ଅଧିକ

ଏଥିସହ କାଶ ଓ ଛିଙ୍କ ଦ୍ୱାରା କୋଭିଡ୍-୧୯ ଭୂତାଣୁ କେତେ ଦୂର ଯାଇପାରେ ସେନେଇ ମଧ୍ୟ ସେ ତଥ୍ୟ ରଖିଛନ୍ତି । କାଶରେ ଗୋଟିଏ କଣିକା ୧୯ ଫୁଟ୍ ଦୂର ଯାଇପାରେ । ଛିଙ୍କିଲେ କଣିକା ଟିଏ ୨୯ ଫୁଟ୍ ଯାଇପାରେ । ତେଣୁ, ତାସ୍ ଖେଳରେ କେହି ସଂକ୍ରମିତ ଥିଲେ କାଶିବା ଛିଙ୍କିବା ଦ୍ୱାରା କରୋନା ସହଜରେ ବ୍ୟାପିବ । ତେଣୁ, ଏ ସମୟରେ ତାସ୍ ନଖେଳିବାକୁ ସେ କହିଛନ୍ତି ।