ପ୍ରସ୍ତାବିତ ବାଇ-ଲ’କୁ ନେଇ ତେଜୁଛି ପ୍ରତିବାଦର ସ୍ୱର, ଏକାଠି ହେଲେ ରାଜଧାନୀବାସୀ

ଭୁବନେଶ୍ୱର: ଚକ୍ରାନ୍ତ କରୁଛି କେନ୍ଦ୍ର । ଏକାମ୍ର କ୍ଷେତ୍ରର ବିକାଶ ରୋକିବାକୁ ଜାତୀୟ ସ୍ମାରକୀ ପ୍ରାଧିକରଣ କରିଛି ଷଡ଼ଯନ୍ତ୍ର । ଏକାମ୍ର କ୍ଷେତ୍ରରେ ଥିବା ଅନନ୍ତ ବାସୁଦେବ ଓ ବ୍ରହ୍ମେଶ୍ୱର ମନ୍ଦିର ଲାଗି ଏନଏମଏ ଜାରି କରିଥିବା ବାଇ-ଲ‘କୁ ନେଇ ଦେଖା ଦେଇଥିବା ଅସନ୍ତୋଷ ଦାନା ବାନ୍ଧିବାରେ ଲାଗିଛି ।

ଏନଏମଏର ପ୍ରସ୍ତାବିତ ବାଇ-ଲ’ ପ୍ରତ୍ୟାହାର ଦାବି କରି ରାଜଧାନୀବାସୀଙ୍କ ପକ୍ଷରୁ ବିରୋଧ ପ୍ରଦର୍ଶନ କରାଯାଉଛି । ଦୀପ ଜାଳି ବାଇ-ଲ‘ କୁ ବିରୋଧ କରୁଛନ୍ତି ଲୋକେ । ରାଜ୍ୟ ସରକାରଙ୍କ ସହ କଂଗ୍ରେସ ଦଳ ଓ ସେବାୟତ ମଧ୍ୟ ଏହାନକୁ ବିରୋଧ କରିଆସୁଛନ୍ତି । ଏକାମ୍ର କ୍ଷେତ୍ରର ବିକାଶରେ ପ୍ରସ୍ତାବିତ ବାଇ-ଲ’ ବାଧକ ସାଜିବ ବୋଲି ଅଭିଯୋଗ ହୋଇଛି ।

ଅନ୍ୟପଟେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍ କରି କେନ୍ଦ୍ର ସରକାର ତୁରନ୍ତ ପ୍ରସ୍ତାବିତ ବାଇ-ଲ’ ଫେରାଇ ନେବାକୁ ଦାବି କରିଛନ୍ତି । ପ୍ରସଙ୍ଗରେ କେନ୍ଦ୍ର ସରକାର ଓ କେନ୍ଦ୍ର ସଂସ୍କୃତି ମନ୍ତ୍ରୀଙ୍କ ନିକଟରେ ଦାବି ଉପସ୍ଥାପନ କରିବାକୁ ଓଡ଼ିଶାର ସାଂସଦଙ୍କୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଏଥିସହ ପଢ଼ନ୍ତୁ- ଅନନ୍ତ ବାସୁଦେବ ଓ ବ୍ରହ୍ମେଶ୍ୱର ମନ୍ଦିର ଲାଗି ପ୍ରସ୍ତାବିତ ବାଇ-ଲ’ ପ୍ରତ୍ୟାହାର ଦାବି କଲେ ମୁଖ୍ୟମନ୍ତ୍ରୀ