ବିୟର ପିଇବା ପରେ ଖାଆନ୍ତୁ ନାହିଁ ଏହି ଖାଦ୍ୟ…
ନୂଆଦିଲ୍ଲୀ: ମଦ ଓ ବିୟର ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ । ତଥାପି ଅଭ୍ୟସ୍ତ ଲୋକେ ବିୟର ପିଇବା ଛାଡିପାରନ୍ତି ନାହିଁ । ବିୟର ଓ ମଦ ପିଇବା ଆଜିକାଲିର ଟ୍ରେଣ୍ଡ ପାଲଟିଯାଇଛି । ଏହା ଯୁବପିଢୀଙ୍କ ପାଇଁ ବେଶ କୁଲ୍ । ଏହା ପିଇବା ଯେମିତି ଆଜିକାଲି ଲାଇଫଷ୍ଟାଇଲର ନିୟମ୍ । କେବଳ ଯୁବବର୍ଗ ନୁହଁନ୍ତି ବରଂ ଏହା କିଛି ବୟସ୍କ ଲୋକଙ୍କ ଜୀବନର ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ନିଭାଏ । ଆଧୁନିକ ଜୀବନଶୈଳୀରେ ଅଧିକାଂଶ ଲୋକଙ୍କ ଜୀବନରେ ମଦର ଏକ ବିଶେଷ ସ୍ଥାନ ରହିଛି । କୈାଣସି ପାର୍ଟି ବିୟର ବା ମଦ ବିନା ଜମିନଥାଏ। ବିୟର ସହ ପିଜା,ବର୍ଗର,ବାଦାମ୍, ଚିପ୍ସ ଭଳି ମସଲାଯୁକ୍ତ ଖାଦ୍ୟକୁ ମଧ୍ୟ ପସନ୍ଦ କରାଯାଏ। କେବଳ ସେତିକି ନୁହେଁ କିଛି ଲୋକେ ବିୟର ସହ ଅଙ୍ଗୁର ଓ କମଳା ଭଳି ଖଟା ଫଳ ଖାଇବା ପସନ୍ଦ କରନ୍ତି । କିନ୍ତୁ ଏହା ଶରୀର ପ୍ରତି ଅତ୍ୟନ୍ତ ହାନିକାରକ ହୋଇଥାଏ।
ଲୋକେ ବିୟର ସହ ଚାଖିବା ପାଇଁ ଯାହା ପାଆନ୍ତି ଖାଇ ଦିଅନ୍ତି ସତ କିନ୍ତୁ ଏହା ସ୍ୱାସ୍ଥ୍ୟ ପାଇଁ ମରଣାନ୍ତକ ପ୍ରମାଣ ହୋଇପାରେ । ବିୟର ସହ ଖଟା ଫଳ ଖାଇବା ଉଭୟ ହୃଦୟ ଏବଂ ପେଟ ପାଇଁ ସାଂଘାତିକ ପ୍ରମାଣିତ ହୋଇପାରେ । ଏହି କାରଣରୁ, ମଦ୍ୟପାନ ପରେ ଖଟା ଫଳ ଖାଇବା ଅନୁଚିତ୍ । କେବଳ ସେତିକି ନୁହେଁ, ବିଳମ୍ବିତ ରାତିରେ ବିୟର ପିଉଥିବା ବ୍ୟକ୍ତିମାନେ ମଧ୍ୟ ଫଳ ଖାଇବାଠୁ ଦୂରେଇ ରହିବା ଉଚିତ । କାରଣ ଏହା ଶରୀରର ଗ୍ୟାସ୍ ସମସ୍ୟାକୁ ବଢାଇଥାଏ । ବହୁତ କମ ଲୋକେ ଜାଣିଥାନ୍ତି ଯେ, ମଦ୍ୟପାନ ସହ ଫଳ ଖାଇବା ଶରୀର ପାଇଁ ଅତ୍ୟନ୍ତ ବିପଦଜ୍ଜନକ ହୋଇଥାଏ । ଏଥି ସହିତ, ଖଟା ଫଳଗୁଡିକ ସକାଳୁ ଉଠିବା ପରେ ତୁରନ୍ତ ଖାଇବା ଉଚିତ୍ ନୁହେଁ । କାରଣ ଏହା ପରେ ଏସିଡ୍ ସମସ୍ୟାର ଆଶଙ୍କା ରହିଥାଏ ।
