କରୋନାକୁ ନେଇ ଲୋକଙ୍କ ରହିଛି ୧୨ ଭୁଲ୍ ଧାରଣା: ବାଗଚୀ
ଭୁବନେଶ୍ୱର: କରୋନାକୁ ସାଧାରଣରେ ରହିଛି ଅନେକ ଭ୍ର।ନ୍ତ ଧାରଣା । ଏନେଇ ଆଜି ରାଜ୍ୟ ସରକାର ସ୍ପଷ୍ଟ କରିଛନ୍ତି । ତାପମାତ୍ରା ବୃଦ୍ଧି ସହ କରୋନା ଭୂତାଣୁର କୌଣସି ସମ୍ପର୍କ ନାହିଁ । ତାପମାତ୍ରା ୨୫ ଡିଗ୍ରୀ ହେଉ କି ୭୭ ଡିଗ୍ରୀ, କରୋନା ଭୂତାଣୁ ମରେ ନାହିଁ । ତେବେ, ଜଣଙ୍କୁ ଥରେ କରୋନା ସଂକ୍ରମଣ ହେଲେ ଆଉ ହେବ ନାହିଁ । କାରଣ ମଣିଷ ଶରୀର ମଧ୍ୟରେ ରୋଗ ପ୍ରତିରୋଧକ ସୃଷ୍ଟି ହୁଏ । ତେବେ ମଦ ପିଇଲେ କରୋନା ହବନି ବୋଲି ହେଉଥିବା ଚର୍ଚ୍ଚା ଏକ ଭ୍ରାନ୍ତ ଧାରଣା । ବରଂ ମଦ ପିଇବା ଶରୀର ପାଇଁ କ୍ଷତିକାରକ । ପ୍ରଶ୍ୱାସକୁ ୧୦ ମିନିଟ୍ ନିଜ ମଧ୍ୟରେ ଚାପି ରଖିଲେ କରୋନା ହୋଇନି ବୋଲି ଭାବିବା ଭୁଲ୍ ।
କେନ୍ଦ୍ର କରୋନା ହଟସ୍ପଟ ଲିଷ୍ଟରେ ଖୋର୍ଦ୍ଧା, ଗ୍ରୀନ୍ ଜୋନରେ ୨୧ ଜିଲ୍ଲା
ଲୁଣ ପାଣିରେ ନାକ ଧୋଇଲେ କରୋନା ହବନି ଏକ ଭୁଲ୍ ଚିନ୍ତାଧାରା । ଗରମ ପାଣିରେ ଗାଧୋଇଲେ କରୋନା ହବନି ଏହା ମଧ୍ୟ ଏକ ଭ୍ର।ନ୍ତ ଧାରଣା । ମଶା କାମୁଡ଼ିଲେ କରୋନା ହେବ ଭୁଲ୍ ଚିନ୍ତାଧାରା । କାରଣ ଏହା ମ୍ୟାଲେରିଆ କି ଫାଇଲେରିଆ ନୁହେଁ । ରସୁଣ ଖାଇଲେ କରୋନା ହେବନି ମଧ୍ୟ ଏକ ଭ୍ର।ନ୍ତ ଧାରଣା । ରସୁଣ କରୋନା ପ୍ରତିରୋଧକ ନୁହେଁ । ପିଲାଙ୍କ ଠାରୁ ବୟସ୍କଙ୍କ ପର୍ଯ୍ୟନ୍ତ ସମସ୍ତଙ୍କୁ କରୋନା ସଂକ୍ରମିତ ହୋଇପାରେ । ତେଣୁ ଏନେଇ କୌଣସି ଭ୍ରାନ୍ତ ଧାରଣା ରହିବା ଉଚିତ୍ ନୁହେଁ ।
କେନ୍ଦ୍ର କରୋନା ହଟସ୍ପଟ ଲିଷ୍ଟରେ ଖୋର୍ଦ୍ଧା, ଗ୍ରୀନ୍ ଜୋନରେ ୨୧ ଜିଲ୍ଲା
ଆଣ୍ଟିବାୟୋଟିକ ଖାଇଲେ କରୋନା ହେବନି ବୋଲି ଭାବିବା ମଧ୍ୟ ଭୁଲ୍ । କାରଣ ଆଣ୍ଟିବାୟୋଟିକ ଖାଇଲେ ଜୀବାଣୁ ନାସ ହୁଏ, ଭୂତାଣୁ ନୁହେଁ । କ୍ଲୋରିନ୍ ପାଣିରେ କୁଳି କଲେ ଅନ୍ୟାନ ସ୍ୱାସ୍ଥ୍ୟଗତ ସମସ୍ୟା ହେବ । ତେଣୁ ଏଥିରୁ ମଧ୍ୟ ଦୂରେଇ ରହିବାକୁ ସରକାର ପରାମର୍ଶ ଦେଇଛନ୍ତି । ସେହିଭଳି ପୋଷା କୁକୁର କି ବିଲେଇଙ୍କ ଠାରୁ କରୋନା ସଂକ୍ରମଣ ହୁଏ ନାହିଁ ବୋଲି ସ୍ପଷ୍ଟ କରିଛନ୍ତି ରାଜ୍ୟ ସରକାରଙ୍କ କରୋନା ମୁଖ୍ୟ ମୁଖପାତ୍ର ସୁବ୍ରତ ବାଗଚୀ ।
