ପେନସନଧାରୀଙ୍କ ପାଇଁ ସରକାରଙ୍କ ବଡ଼ ଆଶ୍ୱସ୍ତି, ଡିସେମ୍ବର ୩୧ ଯାଏଁ କରିପାରିବେ ଏହି କାମ

ନୂଆଦିଲ୍ଲୀ: କରୋନା ଭାଇରସ ମହାମାରୀ ମଧ୍ୟରେ କେନ୍ଦ୍ର ସରକାର ପେନସନଭୋଗୀଙ୍କୁ ବଡ଼ ରାହତ ପ୍ରଦାନ କରିଛନ୍ତି। ଏହା ଅଧୀନରେ, ବର୍ତ୍ତମାନ ସମସ୍ତ ପେନସନଧାରୀମାନେ ୩୧ ଡିସେମ୍ବର ସୁଦ୍ଧା ଏକ ଗୁରୁତ୍ୱପୂର୍ଣ୍ଣ ପ୍ରମାଣପତ୍ର ଦାଖଲ କରିବାକୁ ସକ୍ଷମ ହେବେ ।

ସୂଚନା ଅନୁଯାୟୀ, ପେନସନଧାରୀ ନିଜ ଜୀବନ ପ୍ରମାଣପତ୍ର ନଭେମ୍ବର ୧ରୁ ୩୧ ଡିସେମ୍ବର ମଧ୍ୟରେ ଜମା କରିପାରିବେ । ପର୍ସନାଲ, ଜନ ଅଭିଯୋଗ ଏବଂ ପେନସନ୍ ମନ୍ତ୍ରୀ ଜିତେନ୍ଦ୍ର ସିଂ ଏହା ଘୋଷଣା କରିଛନ୍ତି। ଏହାପୂର୍ବରୁ, ପେନସନ୍ ଜାରି ପାଇଁ ଜୀବନ ପ୍ରମାଣପତ୍ର କେବଳ ନଭେମ୍ବର ମାସରେ ଦାଖଲ କରାଯାଉଥିଲା ।

ମହାମାରୀ ଏବଂ ବୃଦ୍ଧାବୃଦ୍ଧଙ୍କ ବିପଦକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଥିବା ଜିତେନ୍ଦ୍ର ସିଂ କହିଛନ୍ତି । ମନ୍ତ୍ରୀ କହିଛନ୍ତି ଯେ, ସମସ୍ତ କେନ୍ଦ୍ର ସରକାରୀ ପେନସନଭୋଗୀ ନଭେମ୍ବର ୧, ୨୦୨୦ରୁ ଡିସେମ୍ବର ୩୧, ୨୦୨୦ ପର୍ଯ୍ୟନ୍ତ ଜୀବନ ପ୍ରମାଣପତ୍ର ଦାଖଲ କରିପାରିବେ ।

କେନ୍ଦ୍ର ମନ୍ତ୍ରୀ କହିଛନ୍ତି ଯେ, ବର୍ଦ୍ଧିତ ଅବଧି ମଧ୍ୟରେ ବଣ୍ଟନ ପ୍ରାଧିକରଣ ବିନା କୌଣସି ପେନସନଧାରୀ ମାନଙ୍କୁ ପେନସନ୍ ଦିଆଯିବ । ସେ କହିଛନ୍ତି ଯେ ସରକାରଙ୍କ ଦ୍ୱାରା ଜୀବନ ପ୍ରମାଣପତ୍ର ଦାଖଲ ସମୟର ବୃଦ୍ଧି ଯୋଗୁଁ ବୃଦ୍ଧମାନେ ବହୁତ ରାହତ ପାଇବେ ।

ମନ୍ତ୍ରାଳୟ ପକ୍ଷରୁ ଜାରି କରାଯାଇଥିବା ବୟାନ ମୁତାବକ ବ୍ୟାଙ୍କ ଶାଖା ଗୁଡ଼ିକରେ ଭିଡ଼ରୁ ରକ୍ଷା ପାଇବା ପାଇଁ ବ୍ୟାଙ୍କ ଗୁଡ଼ିକୁ କୁହାଯାଇଛି ଯେ, ସେ ରିଜର୍ଭ ବ୍ୟାଙ୍କର ନିର୍ଦ୍ଦେଶାବଳୀ କ୍ରମେ ପେନସନଧାରୀ ମାନଙ୍କଠାରୁ ଜୀବନ ପ୍ରମାଣପତ୍ର ନେବା ପାଇଁ ଭିଡିଓ ଆଧାରିତ ଗ୍ରାହକ ଚିହ୍ନିବା ପ୍ରକ୍ରିୟା (V-CIP) ର ବ୍ୟବହାର କରନ୍ତୁ  ।