ପାକିସ୍ତାନ ଯିବନି ଭାରତୀୟ କ୍ରିକେଟ ଟିମ୍, ଆୟୋଜକରୁ ହଟିପାରେ ପାକ୍

ନୂଆଦିଲ୍ଲୀ: ଏସିଆ କପ ଆୟୋଜନକୁ ନେଇ ପାକିସ୍ତାନ କ୍ରିକେଟ ବୋର୍ଡକୁ ଝଟକା । ଏସିଆ କପ ଆୟୋଜକରୁ ହଟିପାରେ ପାକିସ୍ତାନ । ଭାରତୀୟ ଖେଳାଳି ପାକିସ୍ତାନ ଯିବେ ନାହିଁ ବୋଲି ବିସିସିଆଇ ସ୍ପଷ୍ଟ କରିବା ପରେ ବିବାଦ ତେଜିଛି । ବାହାରିନରେ ଆୟୋଜିତ ଏସିଆ କ୍ରିକେଟ କାଉନସିଲ ବୈଠକରେ ଭାରତୀୟ ଖେଳାଳି ପାକିସ୍ତାନ ଯିବେ ନାହିଁ ବୋଲି କହିଥିଲେ ।

ଦୀର୍ଘ ସମୟ ଧରି ଭାରତ-ପାକିସ୍ତାନ ମଧ୍ୟରେ ରାଜନୈତିକ ସମ୍ପର୍କ ଠିକ ନଥିବା ବେଳେ ସୁରକ୍ଷା ଦୃଷ୍ଟିରୁ ଖେଳାଳିଙ୍କୁ ପାକିସ୍ତାନ ନପଠାଇବାକୁ ବିସିସିଆଇ ନିଷ୍ପିତ୍ତି ନେଇଛି । ଭାରତର ଏହି ନିଷ୍ପତ୍ତି ପରେ ଏସିଆ କପ ୟୁଏଇରେ ଆୟୋଜନ କରିବାକୁ ଆଲୋଚନା ଜାରି ରହିଛି । ସେପଟେ ଭାରତୀୟ ଟିମ ପାକିସ୍ତାନ ନଗଲେ ଭାରତରେ ହେବାକୁ ଥିବା ଓ୍ବାନ ଡେ ବିଶ୍ବକପ ପାଇଁ ପାକିସ୍ତାନ ଟିମ ଭାରତକୁ ଆସିବେ ନାହିଁ ବୋଲି ପିସିବି ଚେୟାରମ୍ୟାନ ନଜମ ସେଠୀ କହିଛନ୍ତି ।