କଳାକାରଙ୍କୁ ପାରିଶ୍ରମିକ ନଦେବା ଅଭିଯୋଗ, ମୁହଁ ଖୋଲିଲେ ଅକ୍ଷୟ ପରିଜା

ଭୁବନେଶ୍ୱର: ଅକ୍ଷୟ ପରିଜା ପ୍ରଡ଼କସନ ହାଉସ ବିରୋଧରେ ପାରିଶ୍ରମିକ ନଦେବା ଅଭିଯୋଗ ଘଟଣା । ପ୍ରତିକ୍ରିୟା ରଖିଛନ୍ତି ପ୍ରଯୋଜକ ଅକ୍ଷୟ ପରିଜା । ଅକ୍ଷୟ କହିଛନ୍ତି, ସେ ଏବେ ବିଦେଶରେ ଅଛନ୍ତି । କିଛି କଳାକାର ତାଙ୍କ ବିରୋଧରେ ଟଙ୍କା ଦେଇନଥିବା ଅଭିଯୋଗ କରିଛନ୍ତି । ତାଙ୍କର ଗୋଟିଏ ବ୍ୟାଙ୍କ ଆକାଉଣ୍ଟ ଟେକନିକାଲ ସମସ୍ୟା ଯୋଗୁ ଫ୍ରିଜ ହୋଇଯାଇଥିଲା । ତାହା ଆଜି କ୍ଳିୟର ହୋଇଛି ।

ଅକ୍ଷୟ ପରିଜା କହିଛନ୍ତି ମୁଁ ଜାତୀୟ ଚ୍ୟାନେଲ ସହିତ କାମ କରୁଛି । ସଂପୃକ୍ତ ଚ୍ୟାନେଲ ଠାରୁ ଦେଢ କୋଟି ଟଙ୍କା ପାଇବାର ଅଛି। ୨୬ ଲକ୍ଷ ଟଙ୍କା କଳକାରଙ୍କୁ ଦେବାର ଅଛି । କାହାରି ଟଙ୍କା ରଖିବାର ଅଭିପ୍ରାୟ ନାହିଁ ବୋଲି ଅକ୍ଷୟ ପ୍ରତିକ୍ରିୟା ଦେଇଛନ୍ତି । କଳାକାରଙ୍କୁ ପାରିଶ୍ରମିକ ମିଳିନଥିବା ଅଭିଯୋଗରେ ଆଜି ଭୁବନେଶ୍ବର କଣ୍ଟାବାଡ଼ରେ ଅକ୍ଷୟ ପରିଜା ପ୍ରଡକ୍ସନ କାର୍ଯ୍ୟାଳୟ ସାମ୍ନାରେ କଳାକାର, ଟେକନିସିଆନ ଧାରଣା ଦେଇଥିଲେ । ଶାନ୍ତି ସିରିଏଲରେ କାମ କରୁଥିବା କଳାକାର ଗତ ୪ ମାସ ହେଲା ପାରିଶ୍ରମିକ ପାଇନଥିବା ଅଭିଯୋଗ ହୋଇଥିଲା ।