କେମତି ହେଲା ଛାତ୍ରୀଙ୍କ ମୃତ୍ୟୁ : ବ୍ୟବଚ୍ଛେଦ ରିପୋର୍ଟ ଖୋଲିବ ରହସ୍ୟ

କେନ୍ଦ୍ରାପଡ଼ା : କେନ୍ଦ୍ରାପଡ଼ା ପଟ୍ଟାମୁଣ୍ଡାଇ କାଠିଆପଡ଼ା ଛାତ୍ରୀ ମୃତ୍ୟୁ ଘଟଣା। ଏବେବି ଛାତ୍ରୀ ମୃତ୍ୟୁ ଘଟଣା ଉପରୁ ହଟିନି ପରଦା। କେମତି ହେଲା ଛାତ୍ରୀଙ୍କ ମୃତ୍ୟୁ ସ୍ପଷ୍ଟ କରିନି ପୋଲିସ। ପୋଷ୍ଟ ମର୍ଟମ ରିପୋର୍ଟକୁ ଅପେକ୍ଷା କରାଯାଇଛି। ପୋଷ୍ଟ ମର୍ଟମ ରିପୋର୍ଟ ଖୋଲିବ ମୃତ୍ୟୁ ରହସ୍ୟ। ଅଭିଯୁକ୍ତଙ୍କ ବିରୋଧରେ ଆତ୍ମହତ୍ୟା ଲାଗି ଉସୁକାଇଥିବା ଭଳି ସାଂଘାତିକ ତଥ୍ୟ ରଖିଛନ୍ତି କେନ୍ଦ୍ରାପଡ଼ା ଏସପି। ଗତ ୬ ତାରିଖ ସକାଳ ୭ଟା ୩୪ରେ ଛାତ୍ରୀ ପୋଡ଼ିହୋଇଥିଲେ ପୀଡ଼ିତା ଛାତ୍ରୀ। ସେହିଦିନ ପ୍ରମୋଦ ଛାତ୍ରୀଙ୍କୁ ୫ରୁ ୬ ଥର ଫୋନ କରିଥିଲା। ୬ ଅଗଷ୍ଟରେ ୫ରୁ ୬ ଥର ହ୍ଵାଟ୍ସଆପ ମେସେଜ ମଧ୍ୟ କରିଥିଲା ପ୍ରମୋଦ। ଏଥିରୁ ଜଣାପଡ଼ୁଛି ଛାତ୍ରୀଙ୍କ ଆତ୍ମହତ୍ୟା କରିବା ପାଇଁ ପୁରୁଷବନ୍ଧୁ ଉସୁକାଇଥିଲେ।

ପ୍ରମୋଦ ବେହେରା ବିରୋଧରେ ପର୍ଯ୍ୟାପ୍ତ ପ୍ରମାଣ ରହିଛି। ପ୍ରମାଣକୁ ଆଧାର କରି ପୋଲିସ ଅଭିଯୁକ୍ତ ପ୍ରମୋଦକୁ ଗିରଫ କରିଛି। ପୋଲିସ ଛାନବିନରୁ ଜଣାପଡ଼ିଛି ପ୍ରମୋଦଙ୍କ ମୋବାଇଲରେ ରହିଥିଲା ମୃତ ଛାତ୍ରୀଙ୍କ ଅଶ୍ଲୀଳ ଭିଡିଓ। ଏସବୁ ଅଶ୍ଲୀଳ ଭିଡିଓକୁ ଗତ ଜୁଲାଇ ୧୭ରେ ଛାତ୍ରୀଙ୍କ ବାପାଙ୍କ ସହ ଏକାଧିକ ବ୍ୟକ୍ତିଙ୍କ ପାଖକୁ ଅଭିଯୁକ୍ତ ପ୍ରମୋଦ ପଠାଇଛି। ଅଭିଯୁକ୍ତର ମୋବାଇଲରୁ ମିଳିଛି ୬୦ଟି ଅଶ୍ଳୀଳ ଭିଡିଓ। ପ୍ରମୋଦ ନାଁରେ ଏତଲା ଦେଇଥିଲେ ପୀଡ଼ିତାଙ୍କ ପରିବାର। ମୃତ ଛାତ୍ରୀଙ୍କ ବାପାଙ୍କ ଏତଲା ଆଧାରରେ ମାମଲା ରୁଜୁ କରିଥିଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ପୋଲିସ । ଝିଅକୁ ପ୍ରମୋଦ ମାନସିକ ନିର୍ଯାତନା ଦେଇଥିବା କାରଣରୁ ଝିଅ ଆତ୍ମହତ୍ୟା କରିଥିବା ଅଭିଯୋଗ ଆଣିଥିଲେ ମୃତ ଛାତ୍ରୀଙ୍କ ବାପା।

ସେପଟେ ଜେଲ ଗଲେ ପ୍ରମୋଦ କୁମାର । ପଟ୍ଟାମୁଣ୍ଡାଇ ଛାତ୍ରୀ ଆତ୍ମହତ୍ୟା ମାମଲାରେ ପୁରୁଷ ବନ୍ଧୁ ପ୍ରମୋଦ କୁମାର ବେହେରାକୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । କେନ୍ଦ୍ରାପଡ଼ା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟରୁ ପଟ୍ଟାମୁଣ୍ଡାଇ ମେଡିକାଲକୁ ସ୍ବାସ୍ଥ୍ୟ ପରୀକ୍ଷା ପାଇଁ ନିଆଯିବା ପରେ ପଟ୍ଟାମୁଣ୍ଡାଇ JMFC କୋର୍ଟରେ ହଜାର କରାଯାଇଥିଲା । ବିଚାରପତି ମାମଲାକୁ ଶୁଣାଣି କରି ବେଲ ଆବେଦନକୁ ଖାରଜ କରିବା ପରେ ପ୍ରମୋଦକୁ କଡା ସୁରକ୍ଷା ବଳୟ ଭିତରେ କେନ୍ଦ୍ରାପଡ଼ା ବାରିମୂଳ ସ୍ଥିତ ୧୪ ଦିନିଆ ବିଚାରବିଭାଗୀୟ କାରାଗାରକୁ ପଠାଇ ଦିଆଯାଇଛି ।