ବିହାର ପାଟନାରେ କଂଗ୍ରେସ ଓ ବିଜେପି କର୍ମୀ ହାତାହାତି

ନନ୍ଦିଘୋଷ ବ୍ୟରୋ : ବିହାର ପାଟନାରେ କଂଗ୍ରେସ ଓ ବିଜେପି କର୍ମୀ ହାତାହାତି। ପ୍ରଧାନମନ୍ତ୍ରୀଙ୍କୁ ନେଇ ଅସମ୍ମାନଜନକ ଟିପ୍ପଣୀର ପ୍ରତିବାଦରେ ତାତିଲେ ବିଜେପି କର୍ମୀ। ପାଟନାରେ କଂଗ୍ରେସ କାର୍ଯ୍ୟାଳୟରେ ବିଜେପି କର୍ମୀ ହଙ୍ଗାମା କରିଛନ୍ତି। ବିଜେପି କର୍ମୀ କଂଗ୍ରେସ କାର୍ଯ୍ୟାଳୟକୁ ପଶିବାକୁ ଉଦ୍ୟମ କରିଥିଲେ। ଗେଟ ଭାଂଗି ଭିତରକୁ ପଶିବାକୁ ଉଦ୍ୟମ ବେଳେ ଧସ୍ତାଧସ୍ତି ହୋଇଥିଲା। କଂଗ୍ରେସ ଅଫିସ ପରିସରକୁ ପଶି ଲୋକଙ୍କୁ ପିଟିଥିଲେ ବିଜେପି କର୍ମୀ । ଅଫିସରେ ପାର୍କିଂ ହୋଇଥିବା ଅନେକ ଗାଡ଼ି ଭଂଗାରୁଜା। ଇଟା ପଥର ଫିଙ୍ଗା ଫୋପଡ଼ା କରିଥିବା ଅଭିଯୋଗ ହୋଇଛି। କଂଗ୍ରେସ କାର୍ଯ୍ୟାଳୟ ବାହାରେ ବିଜେପି କର୍ମୀ ପ୍ରତିବାଦ କରିଥିଲେ। ବିଜେପି ଓ କଂଗ୍ରେସ କର୍ମୀଙ୍କ ମଧ୍ୟରେ ସଂଘର୍ଷ ଘଟିଥିଲା। ଏଥିରେ ଅନେକ କଂଗ୍ରେସ କର୍ମୀ ଆହତ ହୋଇଥିବା ସୂଚନା ମିଳିଛି। ସ୍ଥିତି ନିୟନ୍ତ୍ରଣ କରିବାକୁ ପୋଲିସ ଲାଠିଚାର୍ଜ କରିଥିଲା।