ରିୟା ସୁଶାନ୍ତଙ୍କୁ କରିଥିଲେ ୧୪୨ ଥର କଲ୍, କିନ୍ତୁ କର୍ମଚାରୀଙ୍କୁ କରିଥିଲେ ୫୦୨ ଥର କଲ୍
ମୁମ୍ବାଇ: ସୁଶାନ୍ତ ସିଂଙ୍କ ମୃତ୍ୟୁର ରହସ୍ୟ ଦିନକୁ ଦିନ ବଢ଼ିବାରେ ଲାଗିଛି । ଗତକାଲି ଏହି ରହସ୍ୟକୁ ନେଇ ଦିର୍ଘ ମାସେ ପରେ ସିବିଆଇ ମାମଲା ରୁଜୁ କରିଛି । ତେବେ ସିବିଆଇ ମାମଲା ରୁଜୁ କଲା ପରେ ସୁଶାନ୍ତ ସିଂ ରାଜପୁତ ମାମଲାରେ ସବୁଠୁ ବଡ଼ କଥା ପ୍ରକାଶ ପାଇଛି । ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ରିୟା ଚକ୍ରବର୍ତ୍ତୀଙ୍କ ଦ୍ୱାରା କରାଯାଇଥିବା କଲ ସବିଶେଷ ତଥ୍ୟରୁ ଜଣାପଡ଼ିଛି ଯେ ଗତ ଏକ ବର୍ଷ ମଧ୍ୟରେ ରିୟା ଚକ୍ରବର୍ତ୍ତୀ ସୁଶାନ୍ତ ସିଂ ରାଜପୁତଙ୍କୁ ମାତ୍ର ୧୪୨ ଥର ଫୋନ କରିଥିବାବେଳେ ତାଙ୍କ କର୍ମଚାରୀଙ୍କୁ ୫୦୨ ଥର କଲ କରିଥିଲେ । ଏହି ସମୟରେ ରିୟା ତାଙ୍କ ଭାଇଙ୍କ ସହ ୮୦୦ ଥର ଫୋନରେ କଥା ହୋଇଥିଲେ ଏବଂ ତାଙ୍କ ମାଙ୍କୁ ୮୯୦ ଥର ଫୋନ କରିଥିଲେ। ଏହା ମଧ୍ୟ ସୂଚନା ମିଳିଛି ରିୟା ସୁଶାନ୍ତଙ୍କ ସେକ୍ରେଟେରିଙ୍କ ସହ ୧୪୮ ଥର କଥା ହୋଇଥିଲେ।
ରିୟା ସୁଶାନ୍ତଙ୍କ ଜୀବନରେ କେତେ ବାଧା ଦେଉଥିଲେ ରିୟାଙ୍କ ଏହି କଲ୍ ବିବରଣୀରୁ ଏହା ସ୍ପଷ୍ଟ ହୋଇଛି। ଉଲ୍ଲେଖନୀୟ ଯେ, ପାଟନା ପୋଲିସ ରିୟା ଚକ୍ରବର୍ତ୍ତୀ, ଇନ୍ଦ୍ରଜିତ ଚକ୍ରବର୍ତ୍ତୀ, ସାନ୍ଧ୍ୟା ଚକ୍ରବର୍ତ୍ତୀ, ଶୋଭିକ ଚକ୍ରବର୍ତ୍ତୀ, ସାମୁଏଲ ମିରାଣ୍ଡା, ଶ୍ରୁତି ମୋଦୀ ଏବଂ ଅନ୍ୟମାନଙ୍କ ବିରୋଧରେ ମାମଲା ରୁଜୁ କରିଥିଲା। ଏହି ମାମଲା ବର୍ତ୍ତମାନ ସିବିଆଇକୁ ହସ୍ତାନ୍ତର କରାଯାଇଛି ।
ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ବିହାର ପୋଲିସ ଶୁକ୍ରବାର ଦିନ ସିବିଆଇକୁ ସ୍ଥାନାନ୍ତର ହେବାର କାରଣ ସମ୍ପର୍କରେ ସୁପ୍ରିମକୋର୍ଟରେ ଏକ ଆଫିଡେଭିଟ ଦାଖଲ କରିଛି । ଏଥିରେ ବିହାର ପୋଲିସର ତଦନ୍ତରେ ପ୍ରକାଶ ପାଇଥିବା ତଥ୍ୟକୁ ମଧ୍ୟ ରଖାଯାଇଛି। ପାଟଣାର ଏସଏସପି ଉପେନ୍ଦ୍ର ଶର୍ମା ତାଙ୍କ ଆଫିଡେଭିଟରେ ଲେଖିଛନ୍ତି ଯେ ସୁଶାନ୍ତଙ୍କ ପିତା କେ.କେ ସିଂ ବିହାର ପୋଲିସକୁ ଲିଖିତ ଅଭିଯୋଗ କରିଛନ୍ତି ଯେ ରିୟା ସୁଶାନ୍ତଙ୍କୁ କାବୁ କରିଛନ୍ତି । ରିୟାଙ୍କର ମୁଖ୍ୟ ଲକ୍ଷ୍ୟ ଥିଲା ସୁଶାନ୍ତଙ୍କ କୋଟି କୋଟି ଟଙ୍କାକୁ ହାସଲ କରିବା । ଏହି ଷଡ଼ଯନ୍ତ୍ରରେ ରିୟାଙ୍କ ସମ୍ପର୍କୀୟମାନେ ମଧ୍ୟ ଜଡ଼ିତ ଥିଲେ ବୋଲି କହିଛନ୍ତି ସୁଶାନ୍ତଙ୍କ ବାପା ।
ଆଫିଡେଭିଟ୍ରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ସୁଶାନ୍ତଙ୍କୁ ଡ୍ରଗ୍ ଓଭରଡୋଜ ଦିଆଯାଇଥିଲା। ତାଙ୍କୁ ରିୟା ଚକ୍ରବର୍ତ୍ତୀ ମଧ୍ୟ ବ୍ଲାକମେଲ କରିଥିଲେ। ଆଫିଡେଭିଟରେ ଏହା ମଧ୍ୟ କୁହାଯାଇଛି ଯେ ସୁଶାନ୍ତ ଫିଲ୍ମ ଛାଡ଼ି ଜୈବିକ ଚାଷ କରିବାକୁ ଚାହୁଁଥିଲେ, କିନ୍ତୁ ରିୟା ତାଙ୍କୁ ତାହା କରିବାକୁ ଦେଇ ନଥିଲେ। ଏହି ସୂଚନା ସହିତ ରିୟା ମଧ୍ୟ ସୁଶାନ୍ତଙ୍କ ବ୍ୟାଙ୍କ ଆକାଉଣ୍ଟ ବ୍ୟବହାର କରୁଥିଲେ । ବିହାର ପୋଲିସ ଏହାର ଆଫିଡେଭିଟରେ କହିଛି ଯେ ସେମାନେ ମୁମ୍ବାଇରେ ସୁଶାନ୍ତଙ୍କ କୋଟାକ୍ ମହିନ୍ଦ୍ରା ବ୍ୟାଙ୍କ ଆକାଉଣ୍ଟ ଯାଞ୍ଚ କରିଛନ୍ତି, ଯେଉଁଥିରେ ଦର୍ଶାଯାଇଛି ଯେ ରିୟା ଏବଂ କିଛି ଲୋକ ସୁଶାନ୍ତଙ୍କ ଟଙ୍କା ବ୍ୟବହାର କରିଥିଲେ। ପୋଲିସ ପଚରାଉଚରା କରିଥିବା ଦଶ ଜଣଙ୍କ ମଧ୍ୟରେ ସୁଶାନ୍ତଙ୍କ ପୂର୍ବତନ ଗର୍ଲଫ୍ରେଣ୍ଡ ତଥା ଦିଲ ବେଚାରା ଫିଲ୍ମର ନିର୍ଦ୍ଦେଶକ ଅଛନ୍ତି।
ବିହାର ପୋଲିସ କହିଛି ଯେ ମୁମ୍ବାଇ ପୋଲିସର ସହଯୋଗ ନହେବା ସତ୍ତ୍ୱେ ତଦନ୍ତରେ ଅନେକ ସୂତ୍ର ମିଳିଛି। ସୁପ୍ରିମକୋର୍ଟଙ୍କୁ ଦେଇଥିବା ଉତ୍ତରରେ ପୋଲିସ କହିଛି ଯେ ଦେଶର ଅନେକ ସ୍ଥାନରେ ଏହାର ଅନୁସନ୍ଧାନ କରିବାର ଆବଶ୍ୟକତା ରହିଛି। ଯଦି ସିବିଆଇ ରାଜପୁତଙ୍କ ରହସ୍ୟମୟ ଆତ୍ମହତ୍ୟା ମାମଲାର ଅନେକ ସ୍ଥାନରେ ଅନୁସନ୍ଧାନ କରେ, ତେବେ ଅନେକ ଗୁରୁତ୍ୱପୂର୍ଣ୍ଣ ଜିନିଷ ପ୍ରକାଶ ପାଇବ।
