ଚାକିରି ନାଁରେ ଠକେଇ ମାମଲା: ଦିନିକିଆ ରିମାଣ୍ଡରେ ଗଲେ ପାଠକ ବାପା-ପୁଅ
1 min read
ବ୍ରହ୍ମପୁର: ଦିନିକିଆ ରିମାଣ୍ଡରେ ଗଲେ ଅଭୟ ପାଠକ ଓ ପୁତ୍ର ଆକାଶ ପାଠକ । ନିଯୁକ୍ତି ନେଇ ଠକେଇ ମାମଲାରେ ଉଭୟ ବାପା-ପୁ୍ଅଙ୍କୁ ରିମାଣ୍ଡ ଅନୁମତି ଦେଇଛନ୍ତି ବ୍ରହ୍ମପୁର ଏସଡିଜେଏମ୍ କୋର୍ଟ । ଗୋପାଳପୁର ବନ୍ଦରରେ ନିଯୁକ୍ତି ନେଇ ଠକେଇ ମାମଲା । ଗୋଳନ୍ଥରା ଥାନା ପୋଲିସ ରିମାଣ୍ଡରେ ନେଇଛି ।
ସୂଚନା ଯୋଗ୍ୟ, ଟାଟାର ଜାଲ୍ ଆଇଡି କାର୍ଡ, ଭିଜିଟିଂ କାର୍ଡ, ଇମେଲ୍ ଆଇଡି କରି ଲୋକଙ୍କୁ ଭୁଆଁ ବୁଲାଉଥିଲେ ଆକାଶ ପାଠକ । ଚାକିରି ନାଁରେ ଭାବି ଶ୍ୱଶୁର ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗରେ ଆଦାୟ କରୁଥିଲେ ଲକ୍ଷ ଲକ୍ଷ ଟଙ୍କା । ଏପରିକି ଜାଲ୍ ନିଯୁକ୍ତି ପାଇଥିବା ଯୁବକ ଯୁବତୀଙ୍କୁ ଅନ୍ଲାଇନ୍ରେ ଟ୍ରେନିଂ ବି ଦିଆଯାଇଥିଲା । ଭାବି ଜ୍ୱାଇଁଙ୍କ ମିଛ ଉପରେ ସତର ଖୋଳପା ମଡ଼ାଉଥିଲେ ପ୍ରଦୀପ ପାଣିଗ୍ରାହୀ । ଆକାଶଙ୍କ ପିଏସ୍ ପିଟରଙ୍କୁ ଜେରା ବେଳେ ଏନେଇ ଖୁଲାସା ହୋଇଥିଲା ।
