ବାବା ପାହାଡେଶ୍ବରଙ୍କର ଆଜି ପତରପେଣ୍ଡି କାର୍ଯ୍ୟକ୍ରମ..

ସମ୍ବଲପୁର ଶୀତଳଷଷ୍ଠୀ ଯାତ୍ରା ପାଇଁ ସରିଛି ବାବା ବାଲୁଙ୍କେଶ୍ବରଙ୍କ ପତରପେଣ୍ଡି । ଆଜି ଅନ୍ୟ ସମସ୍ତ ଶୀତଳଷଷ୍ଠୀ ଯାତ୍ରା କମିଟିର ପତର ପେଣ୍ଡି ବା ନିର୍ବନ୍ଧ କାର୍ଯ୍ୟକ୍ରମ ରହିଛି । ସକାଳ ୯ ଟାରୁ ଆରମ୍ଭ ହେବ ପତର ପେଣ୍ଡି କାର୍ଯ୍ୟକ୍ରମ । ସପ୍ତଋଷି ଯାଇ ଶାଳପତ୍ର ଦେଇ ଦେବଦେବ ମହାଦେବଙ୍କ ବିବାହ ସ୍ଥିର କରିବାର କାର୍ଯ୍ୟକ୍ରମ ରହିଛି । ମୁଦିପଡାର ବାବା ଜାଗେଶ୍ବର, ଝାଡୁଆପଡାର ବାବା ଲୋକନାଥ, ବଡ଼ ବଜାରର ବାବା ଶୀତଳେଶ୍ବର, ବୁଢାରଜାର ବାବା ପାହାଡେଶ୍ବରଙ୍କର ଆଜି ରହିଛି ପତରପେଣ୍ଡି ବା ନିର୍ବନ୍ଧ କାର୍ଯ୍ୟକ୍ରମ । ଆସନ୍ତା ୧୫ ତାରିଖରେ ମାଆ ପାର୍ବତୀଙ୍କ ହାତ ଧରିବେ ଦେବଦେବ ମହାଦେବ ।