ବସ୍ ଉପରେ ଚଢିଗଲା ବାଘ, ଭୟଭୀତ ହେଲେ ପର୍ଯ୍ୟଟକ । ଦେଖନ୍ତୁ ଭିଡିଓ
ବେଙ୍ଗାଲୁରୁ : ବୁଲୁଥିବା ସମୟରେ ବସ ଉପରେ ଚଢିଗଲା ଚିତାବାଘ । ସଫାରି ବସ ଉପରକୁ ଡେଇଁବାକୁ ଚେଷ୍ଟା କଲା । ଯାହାକୁ ଦେଖଇ ଆଶ୍ଚର୍ଯ୍ୟ ହୋଇଗଲେ ପର୍ଯ୍ୟଟକ । କର୍ଣ୍ଣାଟକର ବନ୍ନେରଘଟା ଜାତୀୟ ଉଦ୍ୟାନର ଏମିତି କିଛି ଦେଖିବାକୁ ମିଳିଛି । ଯାହାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ।
ବସ ଝରକା ଦେଇ ଚିତାବାଘ ଭିତରକୁ ଚଢିବାକୁ ଉଦ୍ୟମ କରୁଥିବା ଦେଖିବାକୁ ମିଳିଛି । ମୁଣ୍ଡ ଗଳାଇବାକୁ ଚେଷ୍ଟା କରୁଥିବା ସମୟରେ ଭୟରେ ଭୟରେ ପର୍ଯ୍ୟଟକମାନେ ଚିତ୍କାର କରୁଥିବା ଭିଡିଓରୁ ଜଣାପଡୁଛି ।
ଜଣେ ଅଧିକାରୀଙ୍କ କହିବାନୁସାରେ, ରବିବାର ସଫାରି ସମୟରେ ଏହି ଘଟଣା ଘଟିଥିଲା । ଯେତେବେଳେ ବନ୍ୟଜନ୍ତୁଙ୍କୁ ଦେଖିବା ପାଇଁ ବସ ଯାଉଥିଲା ସେତେବେଳେ ବାଘଟି ବସର ନିକଟତର ହୋଇଥିଲା । ଆଉ ଝରକା ଦେଇ ଭିତରକୁ ପ୍ରବେଶ କରିବା ପାଇଁ ଚେଷ୍ଟା କରିଥିଲା । ଯାହାର ଦୃଶ୍ୟକୁ ଅନ୍ୟ ବସରେ ଥିବା ପର୍ଯ୍ୟଟକମାନେ କ୍ୟାମେରାରେ ଉତ୍ତୋଳନ କରିଥିଲେ ।
ପର୍ଯ୍ୟଟକମାନେ ପ୍ରଥମେ ଭୟଭୀତ ହୋଇଯାଇଥିଲେ କିନ୍ତୁ କିଛି ସମୟ ପରେ ସେମାନେ ଏହାକୁ ଉପଭୋଗ କରିବାକୁ ଲାଗିଲେ। ବାଘ ହଠାତ ଆସିଯିବାରୁ ଭୟର ବାତାବରଣ ସୃଷ୍ଟି ହୋଇଥିଲା। କିନ୍ତୁ ପର୍ଯ୍ୟଟକମାନେ ଏହି ବିରଳ ଦୃଶ୍ୟକୁ ଉପଭୋଗ ବି କରିଥିଲେ। ସଫାରି ବସରେ ୱିଣ୍ଡୋ ଜାଲି ରହିଥିଲା। ଏଥିରେ ସମସ୍ତେ ସୁରକ୍ଷିତ ଥିଲେ ଓ କୌଣସି ଅଘଟଣ ଘଟି ନଥିଲା।
