ଚୀନର ଚୁଙ୍ଗକ୍ବିଙ୍ଗ ବିମାନବନ୍ଦରରେ ଅଘଟଣ, ବିମାନ ଉଡ଼ାଣ ସମୟରେ ରନଓ୍ୱେରେ ଖସିପଡ଼ି ଦୁର୍ଘଟଣା

1 min read

ବେଜିଂ: ବିମାନବନ୍ଦରରେ ଜଳିଗଲା ବିମାନ । ଚୀନର ଚୁଙ୍ଗକ୍ୱିଙ୍ଗ ବିମାନବନ୍ଦରରେ ଘଟିଛି ଏଭଳି ଦୁର୍ଘଟଣା  । ତିବ୍ଦତ ଏୟାରଲାଇନ୍ସର ଏକ ବିମାନ ଉଡାଣ ସମୟରେ ରନଓ୍ବେରେ ଖସିଯିବାରୁ ଦୁର୍ଘଟଣାଗ୍ରସ୍ତ ହେବା ସହ ବିମାନରେ ହଠାତ ନିଆଁ ଲାଗିଯାଇଥିଲା । ଏଥିରେ  ମୋଟ ୧୨୨ ଜଣ ଥିଲେ ୧୧୩ ଜଣ ଯାତ୍ରୀ ଓ ୯ ଜଣ ବିମାନରେ ଥିବା କର୍ମଚାରୀ ଥିଲେ । ଉଡାଣ ବେଳେ ହିଁ ବିମାନରେ ନିଆଁ ଲାଗିଯାଇଥିଲା । ତେବେ ସମସ୍ତ ଯାତ୍ରୀ ଏବଂ ବିମାନ ମେମ୍ବରମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । କିଛି ଜଣ ଯାତ୍ରୀ ଆହତ ହୋଇଥିଲେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ବିମାନରେ କେମିତି ନିଆଁ ଲାଗିଲା କାରଣ ଜଣାପଡିନାହିଁ  ।

ସୂଚନା ଅନୁସାରେ, ବିମାନଟି ଚୀନର ଦକ୍ଷିଣପଶ୍ଚିମ ସହର ଚୋଙ୍ଗକ୍ୟୁଇଙ୍ଗରୁ ଲୋକଙ୍କ ଧରି ତିବ୍ବତର ନୟିଙ୍ଗଚିକୁ ଯିବାର ଥିଲା । ତେବେ ଟେକଅପ ବେଳେ ବିମାନଟି ଯାତିନ୍ତ୍ର ତ୍ରୁଟିରେ ସମ୍ମୁଖୀନ ହୋଇଥିଲା । ଏହାପରେ ଏହି ବିମାନର ଉଡ଼ାଣକୁ ବାତିଲ କରାଯାଇଥିଲା । ଯାନ୍ତ୍ରିକ ତ୍ରୁଟି ଯୋଗୁ ବିମାନଟି ରନ-ୱେ ଅତିକ୍ରମ କରି ଆଗକୁ ମାଡ଼ି ଯାଇଥିଲା । ଫଳରେ ବିମାନର ବାମ ପାର୍ଶ୍ୱରେ ନିଆଁ ଲାଗି ଯାଇଥିଲା । ଏଥିସହ ବିମାନର ଗୋଟିଏ ଡେଣାର କିଛି ଅଂଶ ମଧ୍ୟ ନିଆଁରେ ଧ୍ୱଂସ ହୋଇ ଯାଇଛି।

[DISPLAY_ULTIMATE_SOCIAL_ICONS]