ପୁରୀ ରେଳ ଷ୍ଟେସନରେ ଟ୍ରେନ୍ ବିଳମ୍ବ ଯୋଗୁଁ ଯାତ୍ରୀ ହନ୍ତସନ୍ତ
![](https://nandighoshatv.com/wp-content/uploads/2024/05/PURI_TRAIN-BILAMBA-1024x576.jpg)
ପୁରୀ : ପୁରୀ ରେଳ ଷ୍ଟେସନରେ ଟ୍ରେନ୍ ବିଳମ୍ବ ଯୋଗୁଁ ଯାତ୍ରୀ ହନ୍ତସନ୍ତ। ଗତକାଲି ରାତି ୧୧ ଟାରେ ପୁରୀରୁ ଅଜମେର ଛାଡ଼ିବାକୁ ଥିବା ଟ୍ରେନ ପୁରୀ ଅଜମେର ଏକ୍ସପ୍ରେସ ସକାଳ ୭ ଟା ସୁଦ୍ଧା ଛାଡି ନ ଥିବା ଜଣାପଡିଛି। ଦୂର ଦୁରାନ୍ତରୁ ଆସିଥିବା ଯାତ୍ରୀ ମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ରାତି ତମାମ ଯାତ୍ରୀମାନେ ରେଳ ଷ୍ଟେସନରେ ହନ୍ତସନ୍ତ ହୋଇଥିଲେ।
ଅନ୍ୟପକ୍ଷରେ ପୁରୀ ରାଉରକେଲା ବନ୍ଦେ ଭାରତ ଏକ୍ସପ୍ରେସ ମଧ୍ୟ ପୁରୀରୁ ଆଜି ଏକ ଘଣ୍ଟାରୁ ଅଧିକ ବିଳମ୍ବରେ ଛାଡିଥିବା ଜଣାପଡିଛି। ସେହିପରି ପୁରୀରୁ ଛାଡ଼ିବାକୁ ଥିବା ଲୋକମାନ୍ୟ ତିଳକ ଏକ୍ସପ୍ରେସ ସମେତ ପୁରୀ ପାରାଦୀପ ଓ ପୁରୀ ବଡ଼ବିଲ ଏକ୍ସପ୍ରେସ ମଧ୍ୟ ବିଳମ୍ବରେ ଛାଡିବା ନେଇ ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି। ବୈଷୟିକ ତ୍ରୁଟି ଯୋଗୁଁ ଟ୍ରେନ ବିଳମ୍ବ ହୋଇଥିବା ପୁରୀ ରେଳ ବିଭାଗର କର୍ତ୍ତୃପକ୍ଷ ଘୋଷଣା କରିଥିବା ଜଣାପଡିଛି।