ଅବତରଣ ପୂର୍ବରୁ ବିମାନର ଏମର୍ଜେନ୍ସି ଗେଟ୍ ଖୋଲିଦେଲେ ଯାତ୍ରୀ

ଦକ୍ଷିଣ କୋରିଆ: ବିମାନ ଅବତରଣ କରିବାକୁ ମାତ୍ର କେଇ ମିନିଟ ଥିଲା । ଏତିକି ବେଳେ ଏମର୍ଜେନ୍ସି ଡୋର ଖୋଲିଦେଲେ ଜଣେ ଯାତ୍ରୀ । ବିମାନରେ ଥିବା ଯାତ୍ରୀ ଆତଙ୍କିତ ହୋଇଯିବା ସହ ବଞ୍ଚିବାର ଆଶା ଛାଡ଼ି ଦେଇଥିଲେ ।

ଏପରି ଏକ ଘଟଣା ଘଟିଛି ଦକ୍ଷିଣ କୋରିଆର ଡାଏଗୁ ଏୟାରପୋର୍ଟରେ । ୧୯୪ ଜଣ ଯାତ୍ରୀଙ୍କୁ ନେଇ ଆସୁଥିବା ଏସିଆନା ଏୟାରଲାଇନ୍ସର ଏକ ବିମାନ ଲାଣ୍ଡିଂ ବେଳେ ଜଣେ ଯାତ୍ରୀ ବିମାନର ଏମର୍ଜେନ୍ସି ଦ୍ବାର ଖୋଲିଦେଇଥିଲେ । ବିମାନଟି ଭୂପୃଷ୍ଠରୁ ୨୫୦ ମିଟର ଉପରେ ଥିବାବେଳେ ଏପରି ଘଟଣା ଘଟିଛି । ବିମାନ ଅବତରଣ କରିବାକୁ ଥିବାରୁ ଫ୍ଲାଇଟ୍ ଆଟେଣ୍ଡାଣ୍ଟ ଏମର୍ଜେନ୍ସି ଡୋର ବନ୍ଦ କରିପାରି ନଥିଲେ ।

ଏଥିପାଇଁ ବିମାନ ଭିତରେ ପ୍ରବଳ ପବନ ପିଟି ହୋଇଥିଲା । ଏହି ସମୟରେ ଯାତ୍ରୀମାନେ ଭୟଭୀତ ହୋଇପଡ଼ିଥିଲେ । କିଛି ଯାତ୍ରୀ ନିଶ୍ବାସ ନେବାରେ କଷ୍ଟ ଅନୁଭବ କରିଥିଲେ । ଏହି ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ଉକ୍ତ ଯାତ୍ରୀଙ୍କୁ ପୋଲିସ ଗିରଫ କରିଛି ।