ଆଫଗାନିସ୍ତାନ ଖେଳାଳିଙ୍କ ପାଇଁ ଇରଫାନ ପଠାନଙ୍କ ଘରେ ପାର୍ଟି

ନୂଆଦିଲ୍ଲୀ: ପୁଣି ଚର୍ଚ୍ଚାରେ ଇରଫାନ ପଠାନ । ଭାରତୀୟ କ୍ରିକେଟ ଦଳର ଏହି ପୂର୍ବତନ କ୍ରିକେଟରଙ୍କୁ ନେଇ ପାକିସ୍ତାନରେ ଟ୍ରୋଲ କରୁଥିବାବେଳେ ଇରଫାନଭ୍କ ଘରେ ଆଫଗାନିସ୍ତାନ ଖେଳାଳିଙ୍କ ପାର୍ଟିର ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ଚଳିତ ବିଶ୍ବକପରେ ଏକ ହାଇଭୋଲଟେଜ୍ ମ୍ୟାଚରେ ପାକିସ୍ତାନକୁ ପରାସ୍ତ କରିଛି ଆଫଗାନିସ୍ତାନ । ମ୍ୟାଚ ବିଜୟ ପରେ ରସିଦଙ୍କ ସହ ଇରଫାନ ଡ୍ୟାନ୍ସ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଥିବାବେଳେ ପାକିସ୍ତାନୀ ପ୍ରଂଶସକ ଏବଂ କ୍ରିକେଟର ଇରଫାନଙ୍କୁ ସମାଲୋଚନା କରିଥିଲେ ।

A beautiful evening with the ‘gallant’ Afghan cricket team at @IrfanPathan ‘s home!
There were stories, love, laughter, Kebabs, ‘Shola’ & Qabuli Pulao in abundance!!
.#adnansami #cricket pic.twitter.com/R2cuEvlQAP

— Adnan Sami (@AdnanSamiLive) November 7, 2023

ଅଦନନ ସାମି ସୋସିଆଲ ମିଡିଆ ଏକ୍ସରେ କିଛି ଫଟୋ ସେୟାର କରିଛନ୍ତି । ଇରଫାନ ପଠାନଙ୍କ ଘରେ ପାର୍ଟି ହୋଇଛି । ଏଥିରେ ଆଫଗାନିସ୍ତାନ କ୍ରିକେଟରମାନେ ଯୋଗ ଦେଇଥିବାବେଳେ ଇମ୍ରାନ ତାହିର, ହରଭଜନ ସିଂ ଏବଂ ସୁନୀଲ ସେଟ୍ଟୀ ପ୍ରମୁଖ ଯୋଗ ଦେଇଥିଲେ । ଏବେ ଏହି ଫଟୋ ଗୁଡ଼ିକ ଟ୍ରେଣ୍ଡ କରୁଛି । ଆଫଗାନିସ୍ତାନ ଟିମର ଖେଳାଳିଙ୍କ ସହ ଇରଫାନଙ୍କ ସମ୍ପର୍କ ଭଲ ରହିଥିବା ମଧ୍ୟ ପୂର୍ବରୁ ଦେଖିବାକୁ ମିଳିଛି । ରସିଦ ଖାନ, ମହମ୍ମଦ ନବି, ନବୀନ ଉଲ୍ଲହକଙ୍କ ଭଳି ଖେଳାଳି ମଧ୍ୟ ଏହି ପାର୍ଟିରେ ଯୋଗ ଦେଇଛନ୍ତି ।

ସୂଚନା ଥାଉକି, ଚଳିତ ବିଶ୍ବକପରେ ଆଫଗାନିସ୍ତାନ ଦମଦାର ପ୍ରଦର୍ଶନ କରିବା ସହ ୪ ବିଜୟ ହାସଲ କରିଛି । ପାକିସ୍ତାନ ଭଳି ଶକ୍ତିଶାଳି ଦଳକୁ ମଧ୍ୟ ସହଜରେ ମାତ ଦେଇଛି । ଏବେ ସେମି ଆଶାରେ ମଧ୍ୟ ଟିମ ରହିଛି । ଆଜି ଅଷ୍ଟ୍ରେଲିଆକୁ ଭେଟୁଥିବାବେଳେ ଆଗାମି ମ୍ୟାଚରେ ଦକ୍ଷିଣଆଫ୍ରିକାକୁ ଭେଟିବାକୁ ଯାଉଛି । ତେବେ ଏହି ଦୁଇ ମ୍ୟାଚରେ ଯଦି ବିଜୟ ହୁଏ ତାହେଲେ ସେମିରେ ପହଞ୍ଚି ପାରିବ ଆଫଗାନିସ୍ତାନ ।