ନୂଆଦିଲ୍ଲୀ: ସଂସଦର ଶୀତକାଳୀନ ଅଧିବେଶନର ଆଜି ପଞ୍ଚମ ଦିନ। ନଭେମ୍ବର ୨୫ରୁ ଆରମ୍ଭ ହୋଇଥିବା ଅଧିବେଶନରେ ଆଜି ବିଭିନ୍ନ ପ୍ରସଂଗରେ ଗୃହ ସରଗରମ ରହିବା ସମ୍ଭାବନା ରହିଛି । ଅଧିବେଶନ ଆରମ୍ଭରୁ ଆଦାନୀ ପ୍ରସଙ୍ଗ ,ମଣିପୁର ପ୍ରସଙ୍ଗ ,ୟୁପିର ସମ୍ଭଲ ହିଂସା ପ୍ରସଙ୍ଗ ପ୍ରଭୃତି ଆଲୋଚନା ଦାବୀରେ ଉଭୟ ଗୃହରେ ହଟ୍ଟଗୋଳ କରୁଛନ୍ତି। ଆଜି ଉଭୟ ଗୃହରେ ମୋଟ ୫ଟି ବିଲ ଆଲୋଚନା ପାଇଁ ସରକାର ଏଜେଣ୍ଡା ପ୍ରସ୍ତୁତ କରିଛନ୍ତି।
ଏହା ସହ ରାଜ୍ଯସଭାରେ ବିଜେଡି ସାଂସଦମାନେ ଶୂନ୍ଯକାଳରେ ରେଳ ସୁରକ୍ଷା ପାଇଁ ଅତିରିକ୍ତ ପାଣ୍ଠିର ବ୍ଯବସ୍ଥା ସହ ପୁରୀ ସହରରେ ପାଇପ ଯୋଗେ ଗ୍ଯାସ ଯୋଗାଇଦେବାରେ ଅହେତୁକ ବିଳମ୍ବ ପ୍ରସଙ୍ଗ ଉଠାଇବେ। ଏହା ସହ ପ୍ରଶ୍ନ କାଳରେ ପୋଲାଭରମ ପ୍ରକଳ୍ପର ସ୍ଟାଟସ,ଓଡିଶାରେ ପିଏମ କିଷାନ ଯୋଜନା ପ୍ରଭୃତି ପ୍ରସଙ୍ଗ ଉଠାଇବେ ବୋଲି ଜଣାପଡିଛି।
