ଝାରପଡ଼ାରେ ନିର୍ମାଣ ହେବ ଅତ୍ୟାଧୁନିକ ପାର୍କ
ଭୁବନେଶ୍ୱର: ଭୁବନେଶ୍ୱରର ଝାରପଡ଼ାରେ ନିର୍ମାଣ ହେବ ଅତ୍ୟାଧୁନିକ ପାର୍କ। ଏକ କୋଟିରୁ ଉର୍ଦ୍ଧ୍ୱ ଟଙ୍କାରେ ନିର୍ମିତ ହେବାକୁ ଥିବା ଏହି ପାର୍କର ଆଜି ଶିଳାନ୍ୟାସ କରିଛନ୍ତି ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା।
ସୂଚନା ଅନୁଯାୟୀ, ପାର୍କରେ ବରିଷ୍ଠ ନାଗରିକଙ୍କ ପାଇଁ ଯୋଗ ମଣ୍ଡପ ଓ ଚେୟାର ବ୍ୟବସ୍ଥା, ଜିମ, ପିଲାଙ୍କ ପାଇଁ ଖେଳ ଉପକରଣ, ପାନୀୟ ଜଳ ବ୍ୟବସ୍ଥା ଓ ସୁନ୍ଦର ସାଜସଜ୍ଜା ସାଙ୍ଗକୁ ଆଲୋକୀକରଣ ବ୍ୟବସ୍ଥା ରହିବ ।
ଅପରପକ୍ଷରେ ଏହା ସହିତ ୩୩ ନମ୍ୱର୍ ୱାର୍ଡରେ ଥିବା ଅନ୍ୟ ସମସ୍ୟାର ଖୁବଶୀଘ୍ର ସମାଧାନ କରିବାକୁ ପ୍ରତିଶ୍ରୁତି ଦେଇଛନ୍ତି ବିଧାୟକ ଏହି କାର୍ଯ୍ୟକ୍ରମକୁ ଯୁବ ସମାଜସେବୀ ଦିଲ୍ଲୀପ ଜେନା ପରିଚାଳନା କରିଥିଲେ।
