ପରୀ ହତ୍ୟା ମାମଲା: ଅଭିଯୁକ୍ତର ଏଲଭିଏ ଟେଷ୍ଟ ନେଇ ଆବେଦନର ହେବ ଶୁଣାଣି

ନୟାଗଡ଼: ଯଦୁପୁର ପରୀ ହତ୍ୟା ମାମଲାରେ ଆଜି ଜୁଭେନାଇଲ ଜଷ୍ଟିସ ବୋର୍ଡରେ ହେବ ଅଭିଯୁକ୍ତର ଏଲ୍‌ଭିଏ ଟେଷ୍ଟ ଶୁଣାଣି । ଅଭିଯୁକ୍ତ ନାବାଳକର ଏଲ୍‌ଭିଏ ଟେଷ୍ଟ କରିବାକୁ ଆବେଦନ କରିଛି ଏସଆଇଟି । ଏନେଇ ଗତ ୧୨ ତାରିଖ ଦିନ ଶୁଣାଣି ହୋଇଥିଲା । କିନ୍ତୁ ଶୁଣାଣି ସମ୍ପୂର୍ଣ୍ଣ ହୋଇ ନଥିବାରୁ ଆଜି ପୁଣି ଏଲ୍‌ଭିଏ ଟେଷ୍ଟ ଉପରେ ଶୁଣାଣି ହେବ । ପୂର୍ବରୁ ବ୍ରେନ୍ ମ୍ୟାପିଂ ଟେଷ୍ଟ ପାଇଁ ମନା କରିଥିଲା ଅଭିଯୁକ୍ତ । ପରୀ ହତ୍ୟା ମାମଲାରେ ଗତକାଲି ଅଭିଯୁକ୍ତର ସ୍ବୀକାରୋକ୍ତି ନେଇ ଏକ ଭିଡିଓ ଆସିଥିଲା । ଯେଉଁଥିରେ ପରୀକୁ କେମିତି ହତ୍ୟା କରିଥିଲା, ସେନେଇ କହିଥିଲା ଅଭିଯୁକ୍ତ । କେମିତି ଓ କେଉଁଠି ଫିଙ୍ଗିଥିଲା ମୃତଦେହ, ସବୁକଥା କହିଥିଲା ଅଭିଯୁକ୍ତ । ମାମଲାରେ ଏସ୍‌ଆଇଟି ଚାର୍ଜସିଟ ଦାଖଲ କରିସାରିଛି ।

ଏଥିସହିତ ପଢ଼ନ୍ତୁ: ପରୀ ହତ୍ୟା ମାମଲା: ନୟାଗଡ଼ ଚିଲଡ୍ରେନ୍‌ କୋର୍ଟରେ ଚାର୍ଜସିଟ୍ ଦାଖଲ, ଦୁଷ୍କର୍ମ ପରେ ହତ୍ୟା ଉଲ୍ଲେଖ