ସକାଳେ ଶିଶୁର ମୃତ୍ୟୁ ପରେ, ସନ୍ଧ୍ୟାରେ ପିତାମାତା କଲେ ଆତ୍ମହତ୍ୟା… ଜାଣନ୍ତୁ କାହିଁକି

ଜବଲପୁର- କରୋନା ଭାଇରସ ସଂକ୍ରମଣ ମଧ୍ୟରେ ଗୁରୁବାର ଦିନ ଜମ୍ମୁ କଶ୍ମୀରର ରାୟଫଲ୍ ରେଜିମେଣ୍ଟରେ ପଦସ୍ଥ ନାୟବ ସୁବେଦାର ନିଜ ସ୍ତ୍ରୀଙ୍କ ସହ ବେକରେ ଦୌଡ଼ି ଲଗାଇ ଆତ୍ମହତ୍ୟା କରିଛନ୍ତି । ସହରର କେଣ୍ଟ ଥାନା ସ୍ଥିତ ଆର୍ମି ପରିସର ଭିତରେ ଏହି ଘଟଣା ଘଟିବା ପରେ ଅଞ୍ଚଳରେ ଏକ ପ୍ରକାର ଶୋକର ଛାୟା ଖେଳିଯାଇଛି । ଘଟଣାର ସୂଚନା ମିଳିବା ମାତ୍ରେ ସ୍ଥାନୀୟ ପୋଲିସ ଅଧିକାରୀ ଉକ୍ତ ଅଞ୍ଚଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ ।

ଗୁରୁବାର ଦିନ ୩ ମାସର ଶିଶୁର ମୃତ୍ୟୁ ହୋଇଥିଲା-

ପୋଲିସର ସୂଚନା ମୁତାବକ ସୁବେଦାର ଜିତେନ୍ଦ୍ର ନିଜ ସ୍ତ୍ରୀ ସରବଜିତ ସିଂହଙ୍କ ସହ ନିଜ ସରକାରୀ ଆବାସରେ ଫାଶୀ ଲଗାଇଥିଲେ । ସେହି ଦିନ ସକାଳେ ତାଙ୍କ ୩ ମାସର ଶିଶୁର ମୃତ୍ୟୁ ହୋଇଥିଲା । ଶିଶୁର ମୃତ୍ୟୁ ପରେ ସ୍ୱାମୀ-ସ୍ତ୍ରୀ ଭାଙ୍ଗି ପଡ଼ିଥିଲେ । ଦୁହେଁ ସକାଳୁ ନିଜ ପଡ଼ୋଶୀଙ୍କ ସହ କଥା ମଧ୍ୟ ହୋଇନଥିବା ପୋଲିସ ସୂଚନା ଦେଇଛି ।

ସନ୍ଧ୍ୟାରେ କବାଟ ବାଡେଇବାରେ ମଧ୍ୟ  କେହି ଉତ୍ତର ଦେଇନଥିଲେ –

ସନ୍ଧ୍ୟାରେ ଜିତେନ୍ଦ୍ରଙ୍କୁ ଦେଖା କରିବା ପାଇଁ ଯେତେବେଳେ ତାଙ୍କ ବନ୍ଧୁ ପହଞ୍ଚିଲେ ସେତେବେଳେ କବାଟ ବନ୍ଦ ଥିଲା । ଦୀର୍ଘ ସମୟ ଧରି ଡାକିବା ପରେ କେହି ବାହାରକୁ ନଆସିବାରୁ, ବରିଷ୍ଠ ଅଧିକାରୀମାନଙ୍କୁ ଏ ବିଷୟରେ ଅବଗତ କରାଯାଇଥିଲା |

୨୦୧୫ ରେ ମଧ୍ୟ ଏକ ଚାରି ବର୍ଷର ଶିଶୁର ମୃତ୍ୟୁ ହୋଇଥିଲା-

କେଣ୍ଟ ପୋଲିସ ଷ୍ଟେସନ ଦ୍ୱାରା କରାଯାଇଥିବା ଏକ ଅନୁସନ୍ଧାନରୁ ଜଣାପଡିଛି ଯେ, ୨୦୧୫ ମସିହାରେ ମଧ୍ୟ ସୁବେଦାର ଜିତେନ୍ଦ୍ରଙ୍କ ଏବଂ ତାଙ୍କ ପତ୍ନୀଙ୍କ ଚାରି ବର୍ଷର ଶିଶୁର ଅସୁସ୍ଥତା କାରଣରୁ ମୃତ୍ୟୁ ହୋଇଥିଲା। ଗୁରୁବାର ଦିନ ପୁଣି ତାଙ୍କର ଏକମାତ୍ର ସନ୍ତାନର ମୃତ୍ୟୁ ପରେ ଉଭୟ ହତାସ ହୋଇଯାଇଥିଲେ । ବର୍ତ୍ତମାନ ଉଭୟଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ମେଡିକାଲ କଲେଜକୁ ପଠାଯାଇଛି।