ଭାଇରାଲ ବିଜ୍ଞାପନ: ପରିବାରର ଗୋଟିଏ ସର୍ତ୍ତ- ‘ଏମିତି ବୋହୂ ଦରକାର ଯାହାକୁ ସୋସିଆଲ ମିଡିଆ ନିଶା ନଥିବ’

ନୂଆଦିଲ୍ଲୀ: ଆଜିକାଲି ବିବାହ ପାଇଁ ବିଜ୍ଞାପନ ଦେବା କିଛି ନୂଆ କଥା ନୁହେଁ । ବିଭିନ୍ନ ମାଟ୍ରିମୋନିଆଲ ସାଇଟ ହେଉ କି ଖବରକାଗଜ, ଲୋକେ ନିଜ ମନ ପସନ୍ଦର ଜୀବନସାଥୀ ପାଇଁ ବିଜ୍ଞାପନ ଦେଇଥାନ୍ତି । ତେବେ ଏକ ପରିବାର ଏମିତି ବିଜ୍ଞାପନ ଦେଇଛନ୍ତି ଯାହା ସାଧାରଣରେ କୌତୁହଳ ସୃଷ୍ଟି କରିଛି । ବିଜ୍ଞାପନରେ ପରିବାର ଲେଖିଛନ୍ତି ଯେ, ବୋହୂର ସମସ୍ତ ଅଭ୍ୟାସ ସହ୍ୟ କରିପାରିବେ କିନ୍ତୁ ସୋସିଆଲ ମିଡିଆ ନିଶାକୁ ନୁହେଁ ।

ସାଧାରଣରେ ଯେତେବେଳେ ବିବାହ ପାଇଁ ବିଜ୍ଞାପନ ଦିଆହୁଏ ସେଥିରେ ବୋହୂ ଲମ୍ବା, ପତଳା, ଗୋରା ଆଦି ହୋଇଥିବା ଆବଶ୍ୟକ ବୋଲି ଲେଖାହୋଇଥାଏ । କିନ୍ତୁ ଲାଗୁଛି ଯେମିତି ଦୁନିଆ ବଦଳିବା ସହିତ ଯୋଗ୍ୟ ବୋହୂର ମାନଦଣ୍ଡ ମଧ୍ୟ ବଦଳିବାରେ ଲାଗିଛି ।

Prospective brides/grooms please pay attention.

Match making criteria are changing ? pic.twitter.com/AJZ78ARrHZ

— Nitin Sangwan (@nitinsangwan) October 3, 2020

ଖବରକାଗଜରେ ଛପିଥିବା ଏକ ମାଟ୍ରିମୋନିଆଲ ଆଡର ଫଟୋ ନିତିନ ସାଙ୍ଗୱାନ ନାମକ ଜଣେ IAS ଅଧିକାରୀ ନିଜ ଟ୍ୱିଟରରେ ସେୟାର କରିଛନ୍ତି । ବିଜ୍ଞାପନରେ ଲେଖାହୋଇଛି ଯେ, ଆମର ବୋହୂ ସୂନ୍ଦର, ଡେଙ୍ଗା, ପତଳା ଥିବାଭଳି କୌଣସି ଦାବି ନାହିଁ କିନ୍ତୁ ବୋହୂକୁ ସୋସିଆଲ ମିଡିଆର ନିଶା ନଥିବା ଦରକାର  ।

ଏହି ବିଜ୍ଞାପନକୁ ସେୟାର କରି ଅଧିକାରୀ ଜଣଙ୍କ ଲେଖିଛନ୍ତି ଯେ, ଭାବି ବୋହୂ / ବର ମାନେ ଧ୍ୟାନ ଦିଅନ୍ତୁ । ବଦଳୁଛି ବିବାହର ମାନଦଣ୍ଡ । ଏହି ବିଜ୍ଞାପନ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହାକୁ ଦେଖି ଲୋକମାନେ ଫନି କମେଣ୍ଟ ମଧ୍ୟ ଦେଉଛନ୍ତି ।