ଭାରତର ‘ପରାଗ’ ହେଲେ ଟ୍ୱିଟର ମୁଖ୍ୟ, ଜାଣନ୍ତୁ ତାଙ୍କ ଆଗରୁ କେଉଁମାନେ ସିଲିକନ୍ ଭ୍ୟାଲିରେ କରିଛନ୍ତି ଭାରତର ନାମ ଉଜ୍ୱଳ
2 min read
ନୂଆଦିଲ୍ଲୀ: ଗୁଗଲଠାରୁ ଆରମ୍ଭ କରି ମାଇକ୍ରୋସପ୍ଟ ପର୍ଯ୍ୟନ୍ତ ସବୁ ଟେକ୍ନୋଲୋଜି କମ୍ପାନୀରେ ରାଜ୍ କରୁଛନ୍ତି ଭାରତୀୟ । ତେବେ ଏହି ଲିଷ୍ଟରେ ଏବେ ପୁଣି ଜଣେ ଭାରତୀୟ ଯୋଗ ଦେଇଛନ୍ତି । ଏଥି ସହ ଆଉ ଜଣେ ଭାରତୀୟଙ୍କ ହାତରେ ଆମେରିକା ଟେକ୍ କମ୍ପାନୀର କମାଣ୍ଡ ଆସିଛି । ବିଶ୍ବର ସବୁଠାରୁ ଲୋକପ୍ରିୟ ମାଇକ୍ରୋ ବ୍ଲଗିଂ ସାଇଟ ଟ୍ବିଟର ସିଇଓ ଭାବରେ ଦାୟିତ୍ବ ଗ୍ରହଣ କରିଛନ୍ତି ଜଣେ ଭାରତୀୟ । ସେ ହେଉଛନ୍ତି ମୁମ୍ବାଇର ପରାଗ ଅଗ୍ରଓ୍ବାଲ । ଟ୍ବିଟର ସହ ପ୍ରତିଷ୍ଠାତା ଜ୍ୟାକ ଡୋରସେ ସିଇଓ ପଦରୁ ଇସ୍ତଫା ଦେବା ପରେ ପରାଗ ଅଗ୍ରଓ୍ବାଲଙ୍କୁ ମିଳିଛି ଏହି ଗୁରୁ ଦାୟିତ୍ବ ।
Deep gratitude for @jack and our entire team, and so much excitement for the future. Here’s the note I sent to the company. Thank you all for your trust and support ? https://t.co/eNatG1dqH6 pic.twitter.com/liJmTbpYs1
— Parag Agrawal (@paraga) November 29, 2021
ଟ୍ବିଟର ସିଇଓ ପଦରୁ ଜ୍ୟାକ ଡୋରସେ ଇସ୍ତଫା ଦେବା ପରେ ପରାଗ ଅଗ୍ରଓ୍ବାଲଙ୍କୁ କରାଯାଇଛି ସିଇଓ । ଏହା ପୂର୍ବରୁ ପରାଗ ଚିଫ୍ ଟେକ୍ନୋଲୋଜି ଅଫିସର ଭାବରେ କାର୍ଯ୍ୟ କରୁଥିଲେ । ଟ୍ବିଟରରେ ୧୦ ବର୍ଷ କାର୍ଯ୍ୟ କରିବା ପରେ ପରାଗଙ୍କୁ ସିଇଓ ଭାବରେ ଦାୟିତ୍ବ ତୁଲାଇବାକୁ କହିଛି ଟ୍ବିଟର ମ୍ୟାନେଜମେଣ୍ଟ । ଟ୍ବିଟର ସିଇଓ ଭାବରେ ଦାୟିତ୍ବ ନେବା ପରେ ଏକ ନୂଆ ରେକର୍ଡ ମଧ୍ୟ କରିଛନ୍ତି ପରାଗ । ୩୭ ବର୍ଷରେ ସିଇଓ ହୋଇଥିବା ପରାଗ ବିଶ୍ୱର ଟପ୍ ୫୦୦ କମ୍ପାନୀ ମଧ୍ୟରୁ ସବୁଠାରୁ କମ୍ ବୟସରେ ସିଇଓ ହୋଇଛନ୍ତି ।
ପରାଗ ଅଗ୍ରଓ୍ବାଲଙ୍କ କଥା ଯଦି କହିବା ସେ ୨୦୦୫ରେ IIT ବମ୍ବେରୁ ଡିଗ୍ରୀ ହାସଲ କରିଥିଲେ । ଏହାପରେ ଷ୍ଟାନଫୋର୍ଡ ୟୁନିଭରସିଟିରେ କମ୍ପ୍ୟୁଟର ସାଇନ୍ସରେ ପିଏଚଡି ହାସଲ କରିଥିଲେ । କମ୍ପୁଟର ସାଇନ୍ସରେ ପିଏଚଡି ହାସଲ ପରେ ପ୍ରଥମେ ମାଇକ୍ରୋସଫ୍ଟ ରିସିର୍ଚ୍ଚରେ ସଫ୍ଟୱେୟାର ଇଞ୍ଜିନିୟର ଭାବରେ କାର୍ଯ୍ୟ କରିଥିଲେ । ଏହା ପରେ ସେ yahooରେ ମଧ୍ୟ କାର୍ଯ୍ୟ କରିଥିଲେ। ୨୦୧୧ରେ ପରାଗ ସଫ୍ଟୱେୟାର ଇଞ୍ଜିନିୟର ଭାବରେ ଟୁଇଟରରେ ଯୋଗ ଦେଇଥିଲେ । ସଫ୍ଟୱେୟାର ଇଞ୍ଜିନିୟର ଭାବରେ କିଛି ବର୍ଷ ଦାୟିତ୍ବ ତୁଲାଇବା ପରେ ୨୦୧୭ରୁ ଚିଫ୍ ଟେକ୍ନୋଲୋଜି ଅଫିସର ଭାବରେ ସେ କାର୍ଯ୍ୟ କରୁଥିଲେ । ତେବେ ଜ୍ୟାକ ଡୋର୍ସେ ଟୁଇଟର ସିଇଓ ପଦରୁ ଇସ୍ତଫା ଦେବା ପରେ CTO ପଦରେ ଥିବା ପରାଗଙ୍କୁ ସିଇଓ ପଦ ମିଳିଥିଲା ।
Congratulations to our alumnus Dr. Parag Agrawal for being appointed the new CEO of Twitter. Dr. Agrawal obtained his https://t.co/KI2VMHsUbi. degree in Computer Science and Engineering from IIT Bombay in 2005. He started working at Twitter in 2011 & became the CTO in 2017.#iitb pic.twitter.com/A0yt37pfUR
— IIT Bombay (@iitbombay) November 30, 2021
ଆମେରିକାର ସିଲିକନ୍ ଭ୍ୟାଲିରୁ ଗୁଗଲ,ମାଇକ୍ରୋସଫ୍ଟ ଭଳି କମ୍ପାନୀ କାର୍ଯ୍ୟ କରିଥାନ୍ତି । ବିଶ୍ୱର ନାମି ଦାମୀ ଏହି ସବୁ କମ୍ପାନୀରେ ଭାରତୀୟ କର୍ମଚାରୀଙ୍କ ଖୁବ ଡିମାଣ୍ଡ୍ ରହିଛି । ଭାରତୀୟ ସଫ୍ଟୱେୟାର ଇଂଜିନିୟର ମାନେ ବଡ଼ ବଡ଼ ଟେକ୍ କମ୍ପାନୀର ମଙ୍ଗ ପରାଗଙ୍କ ପୂର୍ବରୁ ମଧ୍ୟ ଧରିଛନ୍ତି । ଆସନ୍ତୁ ନଜର ପକାଇବା ପରାଗଙ୍କ ପୂର୍ବରୁ କେଉଁମାନେ ସିଲିକନ୍ ଭ୍ୟାଲିରେ ନିଜକୁ ପ୍ରତିଷ୍ଠିତ କରିଛନ୍ତି ।
ଗୁଗଲର ସିଇଓ ଭାବରେ ୨୦୧୫ରୁ ଦାୟିତ୍ବ ତୁଲାଉଛନ୍ତି ସୁନ୍ଦର ପିଛାଇ । IIT ମାଡ୍ରାସରୁ ଡିଗ୍ରୀ ହାସଲ କରିବା ପରେ ୨୦୦୪ରେ ଗୁଗଲରେ ଯୋଗ ଦେଇଥିଲେ ସୁନ୍ଦର । ଏହା ପରେ ୨୦୧୫ରୁ ସେ ସିଇଓ ଭାବରେ ଦାୟିତ୍ବ ତୁଲାଉଛନ୍ତି । ଗୁଗଲ ସହ ଗୁଗଲର ପ୍ୟାରେଣ୍ଟ କମ୍ପାନୀ ଆଲଫାବେଟର ସିଇଓ ଭାବରେ ମଧ୍ୟ ଦାୟିତ୍ବ ତୁଲାଉଛନ୍ତି ସୁନ୍ଦର ପିଛାଇ । ଗୁଗଲ ଟୁଲବାରରେ ଲାଇକ୍ସ, କ୍ରୋମ୍ ଡେଭଲପମେଣ୍ଟ ଏବଂ ଗୁଗଲ ବ୍ରାଉଜରରେ କାମ କରିସାରିଛନ୍ତି ସୁନ୍ଦର । ୨୦୧୨ ମସିହାରେ ସେ ପ୍ରୋଜେକ୍ଟ ଡେଭଲପମେଣ୍ଟର ସିନିୟର VP ଭାବରେ ଦାୟିତ୍ବ ତୁଲାଇଥିଲେ । ଏହାର ଦୁଇ ବର୍ଷ ପରେ ଗୁଗଲ ଏବଂ ଆଣ୍ଡ୍ରୋଏଡ ସ୍ମାର୍ଟଫୋନ IOSର ପ୍ରୋଜେକ୍ଟ ଚିଫ୍ ଭାବରେ ଦାୟିତ୍ବ ନେଇଥିଲେ ସୁନ୍ଦର ପିଛାଇ ।
MICROSOFT
୨୦୧୪ ମସିହାରେ ଆଉ ଜଣେ ଭାରତୀୟ ଆମେରିକା ଟେକ୍ କମ୍ପାନୀର ସିଇଓ ଭାବରେ ଦାୟିତ୍ବ ତୁଲାଉଛନ୍ତି । ମାଇକ୍ରୋସଫ୍ଟ ସିଇଓ ଭାବରେ ୨୦୧୪ରୁ ଦାୟିତ୍ବ ତୁଲାଉଛନ୍ତି ସତ୍ୟ ନାଡେଲା । ୧୯୯୨ ମସିହାରୁ ମାଇକ୍ରୋସଫ୍ଟରେ କାର୍ଯ୍ୟରତ ଅଛନ୍ତି ସତ୍ୟ । କର୍ଣ୍ଣାଟକର ମଣିପାଲ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିରୁ ଡିଗ୍ରୀ ହାସଲ ପରେ ମାଇକ୍ରୋସଫ୍ଟରେ ଯୋଗ ଦେଇଥିଲେ ସତ୍ୟ ।
IBM
ସେହିପରି ଭାବରେ ୨୦୨୦ରୁ IBMର ସିଇଓ ଭାବରେ କାର୍ଯ୍ୟ କରୁଛନ୍ତି ଅରବିନ୍ଦ କ୍ରିଷ୍ଣା । IIT କାନପୁରରୁ ଡିଗ୍ରୀ ହାସଲ ପରେ ୧୯୯୦ ମସିହାରୁ IBMରେ କାର୍ଯ୍ୟ କରୁଛନ୍ତି ଅରବିନ୍ଦ କ୍ରିଷ୍ଣା ।
ADOBE
ଅରବିନ୍ଦ କ୍ରିଷ୍ଣାଙ୍କ ପରେ ଆଉ ଜଣେ ଭାରତୀୟ ଆମେରିକା ଟେକ୍ କମ୍ପାନୀର ବସ୍ ଭାବରେ କାର୍ଯ୍ୟ କରୁଛନ୍ତି । ୨୦୦୭ ମସିହାରୁ ADOBEର ସିଇଓ ଭାବରେ ଦାୟିତ୍ବ ତୁଲାଉଛନ୍ତି ଶାନ୍ତନୁ ନାରାୟଣ । ୧୯୯୮ ମସିହାରେ ADOBEରେ ଯୋଗ ଦେଇଥିଲେ ଶାନ୍ତନୁ । ଏହା ପରେ ତାଙ୍କୁ ୨୦୦୫ରେ COO ଭାବରେ ନିଯୁକ୍ତି ଦିଆଯାଇଥିଲା । ଏହାର ଦୁଇ ବର୍ଷ ପରେ ଶାନ୍ତନୁ ନାରାୟଣଙ୍କୁ ସିଇଓ ପଦରେ ନିଯୁକ୍ତି ଦିଆଯାଇଥିଲା ।
NOKIA
ନୋକିଆର ସିଇଓ ଭାବରେ ଦାୟିତ୍ବ ତୁଲାଉଛନ୍ତି ରାଜୀବ ସୁରୀ । ୨୦୧୪ରେ ନୋକିଆର ସିଇଓ ଭାବରେ ଦାୟିତ୍ବ ନେବା ପୂର୍ବରୁ ନୋକିଆରେ ବିଭିନ୍ନ ପଦ ପଦବୀରେ ରହିସାରିଥିଲେ ରାଜୀବ । ସିଇଓ ହେବା ପୂର୍ବରୁ ରାଜୀବ ନୋକିଆର ଗ୍ଲୋବାଲ ସର୍ଭିସର ମୁଖ୍ୟ ଥିଲେ । ସତ୍ୟ ନାଡେଲାଙ୍କ ପରି ରାଜୀବ ସୁରୀ ମଧ୍ୟ ମଣିପାଲ ଇନଷ୍ଟିଚ୍ୟୁଟ ଅଫ୍ ଟେକ୍ନୋଲୋଜିରୁ ଡିଗ୍ରୀ ହାସଲ କରିଛନ୍ତି ।
MASTERCARD
୧୯୫୯ ମସିହାରେ ଜନ୍ମିତ ଅଜୟପାଲ ସିଂ ବଙ୍ଗା ମାଷ୍ଟରକାର୍ଡର ସିଇଓ ଭାବରେ ଦାୟିତ୍ବ ତାଲୁଇ ସାରିଛନ୍ତି । ସେ ଜୁଲାଇ ୨୦୧୦ରୁ ଡିସେମ୍ବର ୨୦୨୦ ମସିହା ପର୍ଯ୍ୟନ୍ତ ସିଇଓ ପଦରେ ରହିଥିଲେ । ସେ ହାଇଦ୍ରାବାଦ ପବ୍ଲିକ ସ୍କୁଲରୁ ପ୍ରାଥମିକ ଶିକ୍ଷା ସମାପ୍ତ ପରେ ଦିଲ୍ଲୀ ୟୁନିଭରସିଟିରେ ଅର୍ଥନିତୀରେ ଡିଗ୍ରୀ ହାସଲ କରିଥିଲେ । ଏହା ପରେ ସେ IIM ଅହମଦାବାଦରୁ ମ୍ୟାନେଜମେଣ୍ଟରେ ପିଜିପି କରିଥିଲେ ।
