ନନ୍ଦିଘୋଷ ବ୍ୟୁରୋ : ପରିବହନ କ୍ଷେତ୍ରରେ ପୁଣି ଥରେ ରେକର୍ଡ କଲା ପାରାଦୀପ ବନ୍ଦର । ଭାରତର ସମସ୍ତ ପ୍ରମୁଖ ବନ୍ଦରକୁ ପଛରେ ପକାଇ ପଣ୍ୟ ପରିବହନ କ୍ଷେତ୍ରରେ ରେକର୍ଡ ସୃଷ୍ଟି କରିଛି। ଚଳିତ ଆର୍ଥିକ ବର୍ଷର ତିନିମାସ ପୂର୍ବରୁ ଏବଂ ଗତବର୍ଷର ୨୨ ଦିନ ପୂର୍ବରୁ ୧୦୦ ମିଲିୟନ ମେଟ୍ରିକ ଟନ ପଣ୍ୟ ପରିବହନ କରିବାରେ ସଫଳ ହୋଇଛି।
ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ୧୪୫ ମିଲିୟନ ମେଟ୍ରିକ ଟନରୁ ଉର୍ଦ୍ଧ୍ବ ପଣ୍ୟ ପରିବହନ କରିବାର ଲକ୍ଷ୍ୟ ରଖିଛି ବନ୍ଦର। ଏହାକୁ ନେଇ ବନ୍ଦର ପ୍ରଶାସନିକ ଭବନରେ କେକ୍ କାଟି ସମସ୍ତ ଅଧିକାରୀଙ୍କ ସହିତ ସେଲିବ୍ରେସନ ପାଳନ କରିଛନ୍ତି ବନ୍ଦର ଅଧ୍ୟକ୍ଷ ପି. ଏଲ. ହରାନାଦ । ଚଳିତବର୍ଷ କେବଳ ୬୪% ଆଇରନ କାରବାର କରିଛି ପାରାଦ୍ୱୀପ ବନ୍ଦର । ଆସନ୍ତା ୨୦୨୬ ସୁଦ୍ଧା ୱେଷ୍ଟର୍ନ ଡକ୍ ପ୍ରୋଜେକ୍ଟ କାର୍ଯ୍ୟକାରୀ ହେବ ଏବଂ ପାରାଦ୍ୱୀପ ବନ୍ଦର ୪୦୦ ମିଲିୟନ ମେଟ୍ରିକ ଟନ୍ ପଣ୍ୟ ପରିବହନ କରିବାର କ୍ଷମତା ହାସଲ କରିବ ବୋଲି ବନ୍ଦର ଅଧ୍ୟକ୍ଷ ପ୍ରକାଶ କରିଛନ୍ତି।
