କୋରାପୁଟର ଆଦିବାସୀ ଲୋକ ମହୋତ୍ସବ ‘ପରବ’କୁ ମିଳିଲା ଜାତୀୟ ମାନ୍ୟତା

କୋରାପୁଟ: ପରବକୁ ମିଳିଲା ଜାତୀୟ ମାନ୍ୟତା। କୋରାପୁଟର ଆଦିବାସୀ ଲୋକ ମହୋତ୍ସବ ପରବକୁ ଜାତୀୟ ଆଦିବାସୀ ମହୋତ୍ସବ ମାନ୍ୟତା ମିଳିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏପରି ଘୋଷଣା କରିଥିବା କହିଛନ୍ତି ରାଜ୍ୟ ଭାଷା, କଳା ଓ ସଂସ୍କୃତି ବିଭାଗ। ପରବର ଉଦଯାପନୀ ସଂଧ୍ୟାରେ ଏହି ଘୋଷଣା କରିଛନ୍ତି ଭାଷା, କଳା ଓ ସଂସ୍କୃତି ବିଭାଗର ଉପନିର୍ଦ୍ଦେଶକ ସୁବୋଧ ଆଚାର୍ଯ୍ୟ।

ଏହାକୁ ନେଇ କୋରାପୁଟ ଜିଲ୍ଲରେ ଏକ ସେଲିବ୍ରେସନର ମାହୋଲ ସୃଷ୍ଟି ହୋଇଛି। କୋରାପୁଟ ଜିଲ୍ଲାରେ ୧୯୯୬ ମସିହାରୁ ଆରମ୍ଭ ହୋଇଥିବା ଏହି ଆଦିବାସୀ ମହୋତ୍ସବ ଏବେ ୨୬ବର୍ଷରେ ପହଞ୍ଚିଛି। ଏହାକୁ ଜାତୀୟ ସ୍ତରରେ ମାନ୍ୟତା ଦେବା ପାଇଁ ରାଜ୍ୟ ସରକାର ପ୍ରୟାସ କରିଆସୁଥିଲେ।

ଏବେ ପରବକୁ ଜାତୀୟ ମାନ୍ୟତା ମିଳିଥିବାରୁ ଜିଲ୍ଲାର ବିଧାୟକଙ୍କ ସହ ସମସ୍ତ ଲୋକ ପ୍ରତିନିଧି ଓ କୋରାପୁଟବାସୀ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି। ଏଥିସହିତ କୋରାପୁଟ ଜିଲ୍ଲାପାଳ ମଧ୍ୟ ପରବକୁ ଜାତୀୟସ୍ତର ମାନ୍ୟତା ମିଳିଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ।