ପ୍ରାୟଶ୍ଚିତ କରୁନାହାନ୍ତି ତ ପପ୍ପୁ ? ସୋସିଆଲ୍ ମିଡିଆରେ ଧୁମ୍ ବୁଲୁଛି ପପ୍ପୁଙ୍କ ପ୍ରବଚନ

1 min read

ଭୁବନେଶ୍ୱର : ଗାଡ଼ି ଭିତରେ ଥିବା ଲୋକଟି ଦେଖୁଥିଲା ବାହାରେ ବର୍ଷା ହେଉଥିଲା । ଇଚ୍ଛା ହେଉଥିଲା ବାହାରକୁ ଯାଇ ଖୁବ୍ ଭିଜିବାକୁ । କିନ୍ତୁ ପକେଟ ଭର୍ତ୍ତି ଟଙ୍କା ଓ ଦାମି ଜୋତା ଭିଜିଯିବ ଭାବି ବର୍ଷାକୁ ଓହ୍ଲାଇ ନଥିଲା ଲୋକଟି ।

ଗାଁରେ ୪ ଦିନ ରହିଥିଲେ, ଘରେ ଥିବା ମଣିଷଙ୍କ ପାଖରେ ସମୟ ନଥିଲା । ହଠାତ୍ କରେଣ୍ଟ ଚାଲିଗଲା, ସମସ୍ତେ ଏକାଠି ହେଲେ, ଭଲମନ୍ଦ କଥାହେଲେ । ଭାବିଲେ କରେଣ୍ଟ କଟିଗଲେ ସମସ୍ତେ ଖରାପ କହନ୍ତି, କିନ୍ତୁ ବେଳେ ବେଳେ କରେଣ୍ଟ କଟିବା ଭଲ ।

କିଛି ଏହିପରି ଭଲକଥା ଭର୍ତ୍ତି ଭିଡିଓ ସୋସିଆଲ୍ ମିଡିଆରେ ଧୁମ୍ ମଚାଇଛି । ୩ ମିନିଟରେ ଭିଡିଓ କ୍ଲିପକୁ ପ୍ରସ୍ତୁତ କରିଛି ପପ୍ପୁ ପମପମ୍ କ୍ରିଏସନ୍ସ । ଏଥିରେ ନୀତିବାଣୀ କମ୍ ସାମାଜିକ ବାସ୍ତବତା ଅଧିକ ରହିଛି । ଓଡ଼ିଶାର ନାଁ କରା କମେଡିଆନ୍ ତଥା ଅଭିନେତା ପପ୍ପୁ ଏହାକୁ ନିଜେ କହିବା ସହ ଅଭିନୟ ମଧ୍ୟ କରିଛନ୍ତି । ତେବେ ପପ୍ପୁ ସବୁ କଥାକୁ ନେଇ ଆଗରୁ ବିବାଦୀୟ ହେଉଥିବା ବେଳେ ଏବେ ଏହାକୁ ମିଳିଛି ବେଶ୍ ପ୍ରଶଂସା ।

ପ୍ରଥମେ କାଷ୍ଟିଂ କାଉଚ, ପରେ ପୁରୀ ବିବାଦ ଏବଂ ତା ପରେ ଦେହ ଖରାପ । ଏସବୁ ପରେ ରାନୁ ମଣ୍ଡଳଙ୍କୁ ନେଇ ପପୁଙ୍କ ଅଭିନୟ ପୁଣି ବିବାଦୀୟ ହୋଇଥିଲା । ସମସ୍ତେ କହୁଥିଲେ ବିବାଦ ବୋଧହୁଏ ପପ୍ପୁଙ୍କର ପିଛା ଛାଡ଼ିବନି ।

ଏବେ ପପ୍ପୁଙ୍କ ଏ ଭିଡିଓ ସୋସିଆଲ୍ ମିଡିଆରେ ଖାସ୍ କରି ଫେସବୁକରେ ଖୁବ୍ ଧମାଲ୍ ମଚାଇଛି । ଲୋକେ ଏହାକୁ ସେୟାର କରିବା ସହ ଲାଇକ୍ ମଧ୍ୟ କରୁଛନ୍ତି । ବହୁଦିନ ପରେ ପପ୍ପୁଙ୍କର ପୁଣି ଏକ ଭିଡିଓ ବେଶ୍ ପସନ୍ଦ ଆସିଛି ଓଡ଼ିଶାର ଦର୍ଶକଙ୍କୁ ।

Leave a Reply