ପୁଣି ଓଡିଶାକୁ ଆସିଲା ଗୁରପତୱନ୍ତ ସିଂ ପନୁନର ଧମକ
ଭୁବନେଶ୍ବର: ପୁଣି ଓଡିଶାକୁ ଆସିଲା ଗୁରପତୱନ୍ତ ସିଂ ପନୁର ଧମକ । ପ୍ରବାସୀ ଭାରତୀୟ ଦିବସ ବ୍ୟାଘାତ ପାଇଁ ଦେଇଛି ଧମକ । ଖଲିସ୍ଥାନୀ ଆତଙ୍କବାଦୀ ପନୁନ ମେଲ ଯୋଗେ ଦେଇଛି ଧମକ । ଜଣେ ସାମ୍ବାଦିକଙ୍କ ନିକଟକୁ ଆସିଛି ଧମକପୂର୍ଣ୍ଣ ଭିଡିଓ ମେଲ । ଆସନ୍ତା ୮ ତାରିଖରୁ ଭୁବନେଶ୍ୱରରେ ହେବାକୁ ଯାଉଛି ପ୍ରବାସୀ ଭାରତୀୟ ସମ୍ମିଳନୀ । ବିମାନ ବନ୍ଦରରୁ ଜନତା ମୈଦାନ ପର୍ଯ୍ୟନ୍ତ ସତର୍କ ରହିବାକୁ ଧମକ ଦିଆଯାଇଛି ।
ଭିଭିଆଇପିଙ୍କ ଗସ୍ତ ବେଳେ ଅଘଟଣ ଘଟାଇବାକୁ ଧମକ ଦେଇଛି ପନୁନ। ପୂର୍ବରୁ ଡିଜିପି ସମ୍ମିଳନୀ ବେଳେ ମଧ୍ୟ ପନୁନ ଦେଇଥିଲା ଧମକ। ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ଗସ୍ତ ପୂର୍ବରୁ ସମାନ ଢଙ୍ଗରେ ଆସିଥିଲା ମେଲ । ଓଡିଶା ପୋଲିସର କ୍ରାଇମବ୍ରାଞ୍ଚ ଏହି ଘଟଣାର ତଦନ୍ତ ଚାଲୁ ରଖିଥିବା ବେଳେ ପୁଣି ଆଉ ଏକ ମେଲ ପୋଲିସର ଚିନ୍ତା ବଢାଇଦେଇଛି ।
