ମୁମ୍ବାଇ: ଶୋକାକୁଳ ପରିବେଶ, ସମସ୍ତେ ସ୍ତବ୍ଧ। ନିରବୀ ଯାଇଛି ଯେମିତି ପୁରା ବଲିଉଡ। ପଞ୍ଚଭୂତରେ ବିଲୀନ ହୋଇଛି ବିଶିଷ୍ଟ ଗଜଲ ଗାୟକ ପଙ୍କଜ ଉଧାସଙ୍କ ପାର୍ଥିବ ଶରୀର। ମୁମ୍ବାଇର ବର୍ଲ୍ଲି ସ୍ଥିତ ହିନ୍ଦୁ କ୍ରିମେଟୋରିୟମରେ ପଙ୍କଜ ଉଧାସଙ୍କ ଶେଷକୃତ୍ୟ ସଂପନ୍ନ ହୋଇଛି।
ଅନ୍ତିମ ସଂସ୍କାର ପୂର୍ବରୁ ପଙ୍କଜଙ୍କୁ ରାଷ୍ଟ୍ରୀୟ ମର୍ଯ୍ୟାଦା ପ୍ରଦାନ କରାଯାଇଛି। ପଙ୍କଜଙ୍କ ଶେଷ ଦର୍ଶନ ପାଇଁ ତାଙ୍କ ଘରେ ପହଞ୍ଚିଥିଲା ପୁରା ବଲିଉଡ଼। ଗତକାଲି ମୁମ୍ବାଇ ବ୍ରିଚ୍ କ୍ୟାଣ୍ଡି ହସ୍ପିଟାଲରେ ତାଙ୍କର ଦେହାନ୍ତ ହୋଇଛି। ଦୀର୍ଘ ଦିନ ଧରି ଅସୁସ୍ଥ ଥିଲେ ପଙ୍କଜ ଉଧାସ। ମୃତ୍ୟୁବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା। ପଙ୍କଜଙ୍କ ମୃତ୍ଯୁ ନେଇ ଝିଅ ନାୟାବ ଉଧାସ ସୂଚନା ଦେଇଥିଲେ। କୋଟି କୋଟି ସଂଗୀତ ଓ ଗଜଲ ପ୍ରେମୀଙ୍କ ମଧ୍ୟରେ ଶୋକର ଛାୟା ଖେଳିଯାଇଛି।
#WATCH | Maharashtra: Mortal remains of veteran Ghazal singer Pankaj Udhas being taken from his residence, for his last rites, in Mumbai. pic.twitter.com/pEy9vi0Bej
— ANI (@ANI) February 27, 2024
ଉଲ୍ଲେଖଯୋଗ୍ୟ, ୧୯୫୧ ମେ’ ୧୭ରେ ଗୁଜରାଟର ଜେଟପୁରରେ ପଙ୍କଜ ଜନ୍ମଗ୍ରହଣ କରିଥିଲେ । ନାମ୍ ଫିଲ୍ମର ଲୋକପ୍ରିୟ ଗୀତ ‘ଚିଠି ଆଇ ହେ…’ ଗୀତର ଗାୟକ ହେଉଛନ୍ତି ପଙ୍କଜ । ଏହି ଗୀତ ତାଙ୍କୁ ଲୋକପ୍ରିୟତା ଦେଇଥିଲା। କୋଟି କୋଟି ସଂଗୀତ ଓ ଗଜଲପ୍ରେମୀଙ୍କ ମଧ୍ୟରେ ଶୋକର ଛାୟା ଖେଳିଯାଇଛି ।ଅନ୍ତିମ ସଂସ୍କାର ସମୟରେ ସୋନୁ ନିଗମ, ଅନୁପ ଜଲୋଟାଙ୍କ ସମେତ ବହୁ ସେଲିବ୍ରିଟି ଶେଷ ଦର୍ଶନ କରିଥିଲେ।
