ଯାଜପୁର: ଯାଜପୁର ବିଞ୍ଝାରପୁର ବ୍ଲକ ବିସିନପୁର ଗାଁରେ ଚାଞ୍ଚଲ୍ୟ। ଶୂନ୍ୟରୁ ଲାଗୁଛି ଶାଢ଼ୀରେ ନିଆଁ। ଯାହାକୁ ନେଇ ଆତଙ୍କିତ ଅବସ୍ଥାରେ ଅଛନ୍ତି ତିନୋଟି ପରିବାର | ଗୁଣି ଗାରେଡି ଯୋଗୁଁ ଏଭଳି ଘଟଣା ଘଟୁଥିବା ସନ୍ଦେହ କରୁଛନ୍ତି ପରିବାର ଲୋକେ | କେବଳ ଶାଢ଼ୀ ନୁହେଁ ଘରେ ଥିବା ପୋଷାକଠୁ ଆରମ୍ଭ କରି ବିଭିନ୍ନ ଆସବାବ ପତ୍ରରେ ଆପେ ଆପେ ଲାଗୁଛି ନିଆଁ।
ପରିବାର ଲୋକଙ୍କ କହିବା ଅନୁଯାୟୀ କିଛି ଦିନ ପୂର୍ବରୁ ଏଭଳି ନିଆଁ ଲାଗିଥିଲା। କିନ୍ତୁ ସେତେବେଳେ ଏଥିପ୍ରତି ଧ୍ୟାନ ଦେଇନଥିଲେ। କିନ୍ତୁ ତିନିଦିନ ହେବ ଲଗାତର ଭାବେ ଘରେ ଥିବା ଆସବାବପତ୍ର ସହ ପିନ୍ଧୁଥିବା ଶାଢ଼ୀରେ ନିଆଁ ଲାଗିଯାଉଛି । ପରିବାର ଲୋକେ ଏହାକୁ ଗୁଣି ଗାରେଡି ସନ୍ଦେହ କରୁଥିବାବେଳେ ନିଆଁ ଲାଗିବାର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନାହିଁ ।
