ପୁଣି ବଲାଙ୍ଗୀର ବଜାରରେ ଅସମ୍ଭାଳ ଭିଡ଼

1 min read

ବଲାଙ୍ଗୀର: ଲକ୍‌ଡାଉନ୍ ପାଇଁ ସଜବାଜ । ଗୋଟିଏ ପଟେ ସରକାର ଲକ୍‌ଡାଉନ୍ କାର୍ଯ୍ୟକାରୀ କରିବା ନେଇ ପ୍ରସ୍ତୁତ ହେଉଥିବା ବେଳେ ଅନ୍ୟପଟେ ସାଧାରଣ ଜନତା ମଧ୍ୟ ଏ ନେଇ ପ୍ରସ୍ତୁତି ଚଳାଇଛନ୍ତି । ସରକାର ସଂକ୍ରମଣରୁ ରୋକିବା ନେଇ ପ୍ରସ୍ତୁତ ହେଉଥିବା ବେଳେ ସାଧାରଣ ଲୋକଙ୍କ ପ୍ରସ୍ତୁତି ସଂକ୍ରମଣ ସାଉଁଟୁଥିବା ଭଳି ମନେ ହେଉଛି । ମଙ୍ଗଳବାର ବଲାଙ୍ଗୀର ବଜାରର ଦୃଶ୍ୟ ଦେଖିଲେ କିଛି ଏଭଳି ମନେ ହେଉଛି  । ଦେଖିଲେ ଲାଗୁଛି ନା ଅଛି ଭୂତାଣୁର ଭୟ, ନା ସାମାଜିକ ଦୂରତ୍ୱ ରକ୍ଷା ନେଇ ସତର୍କତା । ବଜାରରେ ଦେଖିବାକୁ ମିଳିଛି ହାଜର ହଜାର ଲୋକଙ୍କ ଗହଳି । ଲକଡାଉନ ପାଇଁ ମାର୍କେଟ ବନ୍ଦ ହୋଇଯିବା ନେଇ ନେଇ ଯିଏ ଯାହାର କିଣିବା ପାଇଁ ଆଜି ବାହାରି ପଡିଛନ୍ତି । ସହରର ମୁଖ୍ୟ ବଜାର, ଡେଲି ମାର୍କେଟ ସମେତ ପ୍ରତ୍ୟେକ ଛକରେ ଓ ରାସ୍ତାରେ ଭିଡ଼ ଯୋଗୁ ହଜାର ହଜାର ଯାନବାହନ ଅଟକି ରହିଛି । ଭିଡ଼ ଯୋଗୁ ଆମ୍ବୁଲାନ୍ସ ସେବା ମଧ୍ୟ ବାଧାପ୍ରାପ୍ତ ହୋଇଛି । ସଂକ୍ରମଣକୁ ଭୟ ନ କରି ଲୋକେ କିଣାକିଣି କରିବାରେ ବ୍ୟସ୍ତ ରହିଛନ୍ତି । ସଉଦା ବଜାର, ତେଜରାଜି ଦୋକାନ, କପଡା ଦୋକାନରେ ନାହିଁନଥିବା ଭିଡ଼ ଦେଖାଦେଇଛି । ଭିଡ଼ ନିୟନ୍ତ୍ରଣ କରିବା ପାଇଁ ଟ୍ରାଫିକ ପୋଲିସ ଫେଲ ମାରିଛି । ସକାଳ ୬ଟାରୁ ଭିଡ଼ ଦେଖାଦେଇଛି ଯାହା ଫଳରେ ପୋଲିସକୁ ନକେଦମ ହେବାକୁ ପଡିଛି ।

ଏଥିସହିତ ପଢ଼ନ୍ତୁ: ଲକଡାଉନରେ ଖୋଲା ରହିବ ଆହାର କେନ୍ଦ୍ର, ବନ୍ଦ ହେବନି ଆଇଆଇଟି, ଆଇଆଇଏମଏସ ହଷ୍ଟଲ

Opn Commnet Area

Leave a Reply

Your email address will not be published. Required fields are marked *

Close Bitnami banner