କାଠର ଗଡ଼ା ଜଙ୍ଗଲରୁ ବିରଳ ବଜ୍ରକାପ୍ତା ଉଦ୍ଧାର, ଜଣେ ଗିରଫ

ଜୟପୁର: କୋରାପୁଟ ଜିଲ୍ଲା ବୋରିଗୁମ୍ମା ବନାଞ୍ଚଳ କାଠର ଗଡ଼ା ଜଙ୍ଗଲରୁ ବିରଳ ବଜ୍ରକାପ୍ତା ଉଦ୍ଧାର । ବେଆଇନ ଭାବେ ଚାଲାଣ ହେଉଥିବା ବେଳେ ବଜ୍ରକପ୍ତା ଉଦ୍ଧାର କରିବା ସହ ଜଣଙ୍କୁ ଗିରଫ କରିଛି ବନ ବିଭାଗ । ଉଦ୍ଧାର ବଜ୍ରକାପ୍ତାକୁ ବୋରିଗୁମ୍ମା ବନାଞ୍ଚଳ କାର୍ଯ୍ୟାଳୟରେ ରଖାଯାଇଛି । ଉଦ୍ଧାର ବଜ୍ରକାପ୍ତାର ଓଜନ ଦୁଇ କିଲୋରୁ ଊର୍ଦ୍ଧ୍ୱ ହେବ ବୋଲି କହିଛନ୍ତି ବୋରିଗୁମ୍ମା ବନାଞ୍ଚଳ ଅଧିକାରୀ ଦିଲୀପ ପଟ୍ଟନାୟକ ।

ଆଗକୁ ମଧ୍ୟ ଜଙ୍ଗଲରେ ଥିବା ବିରଳ ପ୍ରଜାତିର ଜୀବଜନ୍ତୁକୁ ସୁରକ୍ଷା ଦେବା ସହ ଶିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ପୂର୍ବରୁ ଢେଙ୍କାନାଳ କପିଳାସ ରେଞ୍ଜରୁ ୨ ବଜ୍ରକାପ୍ତା ଉଦ୍ଧାର ହୋଇଥିବା ବେଳେ ୨ ବଜ୍ରକାପ୍ତା ତସ୍କର ଗିରଫ ହୋଇଥିଲେ ।