ପୂର୍ବତନ କେନ୍ଦ୍ରମନ୍ତ୍ରୀ ପଣ୍ଡିତ ସୁଖରାମଙ୍କ ଦେହାନ୍ତ
ନୂଆଦିଲ୍ଲୀ: ବିଶିଷ୍ଟ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ପଣ୍ଡିତ ସୁଖରାମଙ୍କ ଦେହାନ୍ତ । ୯୪ ବର୍ଷିୟ ସୁଖରାମଙ୍କ ସ୍ୱାସ୍ଥ୍ୟାବସ୍ଥା ଠିକ୍ ନଥିବାରୁ ସୋମବାର ଦିନ ନୂଆଦିଲ୍ଲୀସ୍ଥିତ ‘ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ’ରେ (ଏମ୍ସ୍) ଭର୍ତ୍ତି କରାଯାଇଥିଲା। ସେ ସମୟରେ ତାଙ୍କ ଅତ୍ୟନ୍ତ ସ୍ୱାସ୍ଥ୍ୟାବସ୍ଥା ଗମ୍ଭୀର ଥିବା କଥା ତାଙ୍କ ନାତି କହିଛନ୍ତି ।
ମଙ୍ଗଳବାର ରାତିରେ ହିମାଚଳ ପ୍ରଦେଶର କଂଗ୍ରେସ ନେତା ସୁଖରାମଙ୍କ ନାତି ଆଶ୍ରୟ ଶର୍ମା ‘ଫେସ୍ବୁକ୍ ପୋଷ୍ଟ୍’ରେ ଲେଖଛନ୍ତି: ବିଦାୟ ଜେଜେ, ଏବେ ଆଉ ଫୋନ୍ ବାଜିବ ନାହିଁ। ଏଥିସହ ସେ ସୁଖରାମଙ୍କ ସହିତ ନିଜ ପିଲାବେଳର ଗୋଟାଏ ଫଟୋ ମଧ୍ୟ ପୋଷ୍ଟ୍ କରିଛନ୍ତି। କିନ୍ତୁ, କେତେବେଳେ ସୁଖରାମ ପରଲୋକ ହୋଇଛି ତାହା ସେ ଉଲ୍ଲେଖ କରିନାହାନ୍ତି।
ତେବେ, ମେ’ ୪ରେ ତାଙ୍କୁ ବ୍ରେନ୍ ଷ୍ଟ୍ରୋକ୍ ହୋଇଥିଲା । ତାଙ୍କୁ ଉତ୍ତରପ୍ରଦେଶ ମଣ୍ଡି ସ୍ଥିତ ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ତାଙ୍କୁ ଏୟାରଲିଫ୍ଟ କରି ଦିଲ୍ଲୀ ଏମ୍ସ ନିଆଯାଇଥିଲା । ସେବେଠାରୁ ତାଙ୍କର ଚିକିତ୍ସା ଚାଲିଥିଲା ।
୧୯୨୭ ମସିହା ଜୁଲାଇ ୨୭ ତାରିଖରେ ସୁଖରାମ ଶର୍ମା ଜନ୍ମ ଗ୍ରହଣ କରିଥିଲେ । ସୁଖରାମ ଶର୍ମା ୧୯୯୩ରୁ ୧୯୯୬ ମଧ୍ୟରେ କେନ୍ଦ୍ରୀୟ ରାଜ୍ୟ ମନ୍ତ୍ରୀ, ସ୍ବତନ୍ତ୍ର ପ୍ରଭାରୀ ଥିଲେ । ସେ ଉତ୍ତରପ୍ରଦେଶ ମଣ୍ଡିରୁ ଲୋକସଭା ସାଂସଦ ମଧ୍ୟ ଥିଲେ । ତାଙ୍କ ରାଜନୈତିକ ଜୀବନରେ ସୁଖରାମ ୫ଥର ବିଧାନସଭା ଏବଂ ୩ଥର ଲୋକସଭା ନିର୍ବାଚନ ଜିତିଥିଲେ । ତେବେ ସୁଖରାମ ଶର୍ମାଙ୍କ ପାର୍ଥିବ ଶରୀର ବୁଧବାର ଅପରାହ୍ନ ସୁଦ୍ଧା ହିମାଚଳ ପ୍ରଦେଶର ମଣ୍ଡିକୁ ଅଣାଯିବ । ସେଠାରେ ତାଙ୍କର ଅନ୍ତିମ ସଂସ୍କାର କରାଯିବା ନେଇ ସୂଚନା ରହିଛି ।
