ନୂଆଦିଲ୍ଲୀ: ପାନ୍ କାର୍ଡକୁ ଆଧାର କାର୍ଡ ସହିତ ସଂଯୋଗ କରିବାର ସମୟ ସୀମା ୩୦ ଜୁନ୍ ୨୦୨୧ ରୁ ୩୦ସେପ୍ଟେମ୍ବର ୨୦୨୧ ପର୍ଯ୍ୟନ୍ତ ବୃଦ୍ଧି କରାଯାଇଛି । ରାଜ୍ୟ ଅର୍ଥମନ୍ତ୍ରୀ ଅନୁରାଗ ଠାକୁର ଏହି ସୂଚନା ଦେଇଛନ୍ତି। ଆପଣ ଯଦି ସମୟସୀମା ମଧ୍ୟରେ PAN ଏବଂ ଆଧାରକୁ ଲିଙ୍କ୍ ନକରନ୍ତି, ତେବେ ପାନ୍ କାର୍ଡ ଅକ୍ଷମ ହୋଇଯିବ। ଲୋକମାନେ ଆର୍ଥିକ କାରବାର କରିବାକୁ ସକ୍ଷମ ହେବେ ନାହିଁ ତେଣୁ PAN ସଂଯୋଗ କରିବା ନିହାତି ଆବଶ୍ୟକ । ଏହା ବ୍ୟତୀତ ଜରିମାନା ମଧ୍ୟ ଦେବାକୁ ପଡିବ ।
କରୋନା ଚିକିତ୍ସାରେ ଖର୍ଚ୍ଚ କରୁଥିବା ଲୋକ ଟିକସରେ ଛାଡ ପାଇବେ
ଏହାସହ କରୋନା ବିରୋଧରେ ଲଢେଇ ମଧ୍ୟରେ ଅନୁରାଗ ଠାକୁର ଟିକସ ଛାଡ ବିଷୟରେ ଏକ ବଡ ଘୋଷଣା କରିଛନ୍ତି । ସେ ଏହାମଧ୍ୟ କହିଛନ୍ତି ଯେ କରୋନା ଚିକିତ୍ସାରେ ଟଙ୍କା ଖର୍ଚ୍ଚ କରିଥିବା ଲୋକଙ୍କୁ ରିହାତି ଦିଆଯିବ।
ଅର୍ଥମନ୍ତ୍ରୀ କହିଛନ୍ତି ଯେ, ଯଦି ଜଣେ ନିଯୁକ୍ତିଦାତା ତାଙ୍କ କର୍ମଚାରୀଙ୍କ କୋଭିଡ ଚିକିତ୍ସା ପାଇଁ ଖର୍ଚ୍ଚ କରିଛନ୍ତି, ତେବେ ସେହି କର୍ମଚାରୀଙ୍କୁ କୌଣସି ଟିକସ ଦେବାକୁ ପଡିବ ନାହିଁ । ଯଦି କାହାର ମୃତ୍ୟୁ ପରେ, ନିଯୁକ୍ତିଦାତା ତାଙ୍କ କର୍ମଚାରୀଙ୍କୁ ଅତିରିକ୍ତ ରାଶି ପ୍ରଦାନ କରନ୍ତି, ତେବେ ସେହି ବ୍ୟକ୍ତିଙ୍କ ପାଇଁ ମଧ୍ୟ ଟିକସ ଛାଡ ହେବ ।
ଅର୍ଥମନ୍ତ୍ରୀ କହିଛନ୍ତି, “ଯଦି ବାହାରର ଜଣେ ବ୍ୟକ୍ତି ଅନ୍ୟ ଜଣେ ବ୍ୟକ୍ତିଙ୍କୁ ସାହାଯ୍ୟ କରେ ଏବଂ ମୃତ୍ୟୁ ପରେ ତାଙ୍କ ପରିବାରକୁ ସାହାଯ୍ୟ କରେ, ତେବେ ସେହି ପରିବାରକୁ ଟ୍ୟାକ୍ସ ଦେବାକୁ ପଡ଼ିବ ନାହିଁ କିନ୍ତୁ ଏହି ରାଶିର ସୀମା ୧୦ ଲକ୍ଷ ଟଙ୍କା ପର୍ଯ୍ୟନ୍ତ ସ୍ଥିର କରାଯାଇଛି।”
