ସାନିଆ ମିର୍ଜାଙ୍କ ସପକ୍ଷରେ ପାକିସ୍ତାନ ନାଗରିକ, ବିବାହ ବିଚ୍ଛେଦକୁ ସହଜରେ ଗ୍ରହଣ କରିପାରୁନାହାନ୍ତି ପ୍ରଶଂସକ

ନନ୍ଦିଘୋଷ ବ୍ୟୁରୋ: ଭାରତୀୟ ଟେନିସ ଷ୍ଟାର ସାନିଆ ମିର୍ଜାଙ୍କ ସପକ୍ଷରେ ପାକିସ୍ତାନ ନାଗରିକ। ସୋସିଆଲ ମିଡିଆରେ ସାନିଆଙ୍କ ସପକ୍ଷରେ ଅନେକ ପାକିସ୍ତାନୀ ନାଗରିକ ପୋଷ୍ଟ କରିଛନ୍ତି। ପାକିସ୍ତାନୀ ସାମାଜିକ ଗଣମାଧ୍ୟମରେ ଅନେକ ୟୁଜର୍ସ ସାନିଆଙ୍କୁ ସମର୍ଥନ ଜଣାଇଛନ୍ତି । ପାକିସ୍ତାନୀ କ୍ରିକେଟର ସୋଏବ ମଲ୍ଲିକ ଏବଂ ସାନିଆଙ୍କ ବିବାହ ବିଚ୍ଛେଦକୁ ସହଜରେ ଗ୍ରହଣ କରିପାରିନାହାନ୍ତି ପ୍ରଶଂସକ । ସୋଏବଙ୍କ ତୃତୀୟ ବିବାହ ପରେ ସାନିଆଙ୍କ ସହ ବିବାହ ବିଚ୍ଛେଦ ହୋଇଥିବା ସ୍ପଷ୍ଟ ହୋଇଛି। ସାନିଆ ମିର୍ଜାଙ୍କ ପରିବାର ଏ ନେଇ ସୂଚନା ଦେଇଛନ୍ତି। ବିବାହ ବିଚ୍ଛେଦ ଖବରକୁ ଦୁଇ ଦେଶର ଅନେକ କ୍ରୀଡା ପ୍ରଶଂସକ ସହଜରେ ଗ୍ରହଣ କରିପାରିନାହାନ୍ତି । ସୋଏବ ମଲ୍ଲିକ ପାକିସ୍ତାନର ଜଣେ ଭଲ ବ୍ୟାଟ୍ସମ୍ୟାନ୍ ଥିବାବେଳେ ସାନିଆ ମିର୍ଜା ଅନ୍ତର୍ଜାତୀୟ ଟେନିସର ଜଣେ ଷ୍ଟାର ଖେଳାଳି ଥିଲେ। ବିବାହ ବିଚ୍ଛେଦ ନେଇ ଉଭୟଙ୍କ ପକ୍ଷରୁ ସୋସିଆଲ ମିଡିଆରେ କୌଣସି ସୂଚନା ଦିଆଯାଇନଥିଲା । ସୋଏବଙ୍କ ଗତକାଲି ପାକିସ୍ତାନ ଅଭିନେତ୍ରୀ ସାନା ଜାଭେଦଙ୍କ ସହ ସମ୍ପନ୍ନ ହୋଇଥିବାବେଳେ ଏହାକୁ ନେଇ ସୋସିଆଲ ମିଡିଆରେ ଏକ ମେସେଜ୍ ପୋଷ୍ଟ କରିଥିଲେ ସାନିଆ । ଏଥିରୁ ଉଭୟଙ୍କ ମଧ୍ୟରେ ବିବାହ ବିଚ୍ଛେଦ ହୋଇଥିବା ଆଶଂକା କରାଯାଇଥିଲା ।  ତେବେ ଏହି ସୋସିଆଲ ମିଡିଆ ପୋଷ୍ଟର ୩ ଦିନ ପରେ ଗୁଜବ ଉପରେ ପୂର୍ଣ୍ଣଛେଦ ପକାଇଥିଲେ ସୋଏଲ ମଲ୍ଲିକ। ସାନିଆ ମିର୍ଜାଙ୍କ ବାପା ସାନିଆ ସୋଏବ ଛାଡ଼ପତ୍ର ନେଇ ସ୍ପଷ୍ଟ କରିଛନ୍ତି । ଇସଲାମର ଖୁଲା  ଛାଡ଼ପତ୍ର ରୀତିନୀତିରେ ଏହି ବିବାହ ବିଚ୍ଛେଦ ହୋଇଛି। ଖୁଲା ଇସଲାମ ଧର୍ମରେ ଏପରି ଏକ ବ୍ୟବସ୍ଥା ଯେଉଁଥିରେ ପତ୍ନୀ ସ୍ବାମୀକୁ ନିଜ ଆଡ଼ୁ ଛାଡ଼ପତ୍ର ପ୍ରଦାନ କରିଥାଏ।…