ବଢ଼ିଲା ସିନ୍ଧୁ ନଦୀ ଜଳ ବିବାଦ : ପୂର୍ବାବସ୍ଥା ଫେରାଇ ଆଣିବା ଲାଗି ପାକିସ୍ତାନର ଦାବି

ନନ୍ଦିଘୋଷ ବ୍ୟୁରୋ : ପହଲଗାଓଁ ହମଲାକୁ ନେଇ ଭାରତ ସିନ୍ଧୁ ଜଳ ଚୁକ୍ତିକୁ ରଦ୍ଦ କରିବା ପ୍ରସଙ୍ଗ । ପୂର୍ବାବସ୍ଥା ଫେରାଇ ଆଣିବା ଲାଗି ଭାରତ ନିକଟରେ ଦାବି କରିଛି ପାକିସ୍ତାନ । ସିନ୍ଧୁ ଜଳ ଚୁକ୍ତି ବର୍ତ୍ତମାନ ବୈଧ ରହିବା ସହ କାର୍ଯ୍ୟକ୍ଷମ ରହିଛି ବୋଲି ହଗସ୍ଥିତ ପରମାନେଣ୍ଟ କୋର୍ଟ ଅଫ ଆର୍ବିଟ୍ରେସନ କହିବା ପରେ ଭାରତକୁ ଏହା କହିଛି ପାକିସ୍ତାନ । ସିନ୍ଧୁ ଜଳ ଚୁକ୍ତି ପ୍ରସଙ୍ଗରେ କୋର୍ଟ ଯେଉଁ ନିଷ୍ପତ୍ତି ନେଇଛନ୍ତି ତାହାକୁ ଭାରତ ମାନି ନଥିବା ସୂଚନା ମିଳିଛି । ପାକିସ୍ତାନ ସହ ସୃଷ୍ଟି ହୋଇଥିବା ବିବାଦର ସମାଧାନ ନେଇ ଗଠିତ ଫ୍ରେମଓ୍ବର୍କକୁ ଅଗ୍ରାହ୍ୟ କରାଯାଇଛି ବୋଲି ଗତ ଶୁକ୍ରବାର ଭାରତ କହିଥିଲା । କିଷନଗଙ୍ଗା ଓ ରତଲେ ଜଳବିଦ୍ୟୁତ ପ୍ରକଳ୍ପ ପ୍ରସଙ୍ଗରେ ଭାରତ ଅଟଳ ରହିବ ବୋଲି କୁହାଯାଇଛି । ଏପ୍ରିଲ ୨୨ ପହଲଗାଓଁ ହମଲାରେ ୨୬ ଲୋକଙ୍କ ମୃତ୍ୟୁ ଘଟିବା ପରେ ୧୯୬୦ର ସିନ୍ଧୁ ଜଳ ଚୁକ୍ତି ବାତିଲ କରିବା ସହ ଅନେକ କଠୋର ପଦକ୍ଷେପ ନେଇଥିଲା ଭାରତ । ସିନ୍ଧୁ ଜଳ ଚୁକ୍ତ ବୈଧ ରହିଛି ବୋଲି ଗତ ଜୁନ ୨୭ରେ କୋର୍ଟ ରାୟ ଦେଇଥିବା ବେଳେ ଏହାକୁ ନେଇ ଭାରତ ଉପରେ କ୍ଷୁବ୍ଧ ହୋଇଛି ପାକିସ୍ତାନ । ଏହା ସହ ପାକିସ୍ତାନ ଉପପ୍ରଧାନମନ୍ତ୍ରୀ ତଥା ବୈଦେଶିକ ମନ୍ତ୍ରୀ ଇଶାକ ଦର କହିଥିଲେ- କୋର୍ଟଙ୍କ ରାୟ ଦର୍ଶାଉଛି ଯେ ସିନ୍ଧୁ ଜଳ ଚୁକ୍ତି ଅପରିବର୍ତ୍ତିତ ରହିଛି ।