ଚାମ୍ପିୟନ୍ସ ଟ୍ରଫି: ପାକିସ୍ତାନ ମ୍ୟାଚ ଦେଖିବାକୁ ଆସିଲେନି ପାକିସ୍ତାନୀ

କରାଚି: ଆଜିଠାରୁ ପାକିସ୍ତାନରେ ଆରମ୍ଭ ହୋଇଛି ଆଇସିସି ଚାମ୍ପିୟନ୍ସ ଟ୍ରଫି । ଭାରତ ମ୍ୟାଚ୍ ଖେଳିବାକୁ ପାକିସ୍ତାନ ଯିବାକୁ ମନା କରିବା ପରେ ତୁମ୍ବିତୋଫାନ କରୁଥିବା ପାକିସ୍ତାନ ବୋର୍ଡକୁ ଆଜି ନିଜ ଦେଶର ଲୋକେ ଏକ ବଡ଼ ଝଟକା ଦେଇଛନ୍ତି । ଚାମ୍ପିୟନ୍ସ ଟ୍ରଫିର ପ୍ରଥମ ମ୍ୟାଚ ପାକିସ୍ତାନ ଖେଳୁଥିଲେ ବି ନିଜ ଦେଶର ଲୋକ ମ୍ୟାଚ୍ ଦେଖିବାକୁ ଆସିନାହାନ୍ତି । ଗୋଟିଏ ପଟେ ମ୍ୟାଚ୍ ଚାଲିଥିବା ବେଳେ ଷ୍ଟାଡିୟମ ପୂରା ଖାଁ ଖାଁ ଲାଗୁଥିଲା ।

ଆଜି ଚାମ୍ପିୟନ୍ସ ଟ୍ରଖିର ଓପ୍ନିଂ ମ୍ୟାଚ କରାଚିର ନ୍ୟାସନାଲ ଷ୍ଟାଡିୟମରେ ଖେଳା ଯାଇଛି । ୨୯ ବର୍ଷ ପରେ ପାକିସ୍ତାନକୁ ଟୁର୍ଣ୍ଣାମେଣ୍ଟ ଫେରିଥିବାରୁ ସମସ୍ତଙ୍କ ଆଶା ଥିଲା ଷ୍ଟାଡିୟମ ପୂରା ଖଚାଖଚ ଭିଡ଼ ରହିବ । ହେଲେ, ମ୍ୟାଚ୍ ଆରମ୍ଭ ହେବା ବେଳକୁ ଦୃଶ୍ୟ ଥିଲା ଭିନ୍ନ । ଷ୍ଟାଡିୟମର ଅଧିକାଂଶ ଷ୍ଟାଣ୍ଡରେ ଦର୍ଶକ ନଥିଲେ ।

ସୂଚନାଯୋଗ୍ୟ, କରାଚି ନ୍ୟାସନାଲ ଷ୍ଟାଡିୟମର ଦର୍ଶକ କ୍ଷମତା ପାଖାପାଖି ୩୦ ହଜାର । ଆଶା କରାଯାଉଥିଲା । ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଓ ଆୟୋଜକ ପାକିସ୍ତାନ ମଧ୍ୟ ଖେଳୁଥିବାରୁ ଷ୍ଟାଡିୟମ ଦର୍ଶକରେ ଫୁଲ୍ ହୋଇଯିବ । ଏପରିକି ପାକିସ୍ତାନ କ୍ରିକେଟ୍ ବୋର୍ଡ ମଧ୍ୟ ଏମିତି କିଛି ଆଶା କରୁଥିଲା । ହେଲେ ମ୍ୟାଚ୍ ଲାଇଭରୁ ପାକିସ୍ତାନୀଙ୍କ ପାକିସ୍ତାନ କ୍ରିକେଟକୁ ନେଇ କେତେ ଜୋସ ଜଣାପଡ଼ି ଯାଇଥିଲା ।

ଏପରିକି ଏହି ମ୍ୟାଚର ଫଟୋ ପାକିସ୍ତାନ କ୍ରିକେଟ ବୋର୍ଡ ନିଜ ସୋସିଆଲ ମିଡ଼ିଆ ସାଇଟ ଏକ୍ସାରେ ପୋଷ୍ଟ କରିଛି । ଏଥିରୁ ମଧ୍ୟ ଷ୍ଟାଡିୟମ ଫାଙ୍କା ଥିବା ଦେଖିବାକୁ ମିଳୁଛି ।