ପୁଣି ବିବାଦରେ ପାକିସ୍ତାନ; ବାଂଲାଦେଶରେ ନିଜ ଜାତୀୟ ପତାକା ଲଗାଇଲା ପାକିସ୍ତାନ କ୍ରିକେଟ ଟିମ୍

2 min read

ଢ଼ାକା: ପୁଣି ବିବାଦରେ ପାକିସ୍ତାନ କ୍ରିକେଟ ଟିମ୍ ।  ଚଳିତ ଥର  କ୍ରିକେଟ ପାଇଁ  ବିବାଦରେ ପଡ଼ିନାହିଁ ବରଂ ପତାକା ପାଇଁ ବିବାଦରେ ପାକିସ୍ତାନ କ୍ରିକେଟ ଟିମ୍ । ଆସନ୍ତା ନଭେମ୍ବର ୧୯ରେ ହେବାକୁ ଥିବା ଟି-୨୦ ସିରିଜ୍ ପୂର୍ବରୁ ପ୍ରାକ୍ଟିସ ସମୟରେ ଜାତୀୟ ପତାକା ପଡ଼ିଆରେ ଲଗାଇ ଅଡୁଆରେ ପାକିସ୍ତାନ କ୍ରିକେଟ ଟିମ୍ । ଚଳିତ ଟି-୨୦ ବିଶ୍ବକପର ସେମିଫାଇନାଲରେ ପରାଜୟ ବରଣ ଫଳରେ ବିଶ୍ବକପରରୁ ନିଜର ଅଭିଯାନ ଶେଷ କରିଥିଲା ପାକିସ୍ତାନ । ସେମିଫାଇନାଲରୁ ବାହାରିବା ପରେ ବାଂଲାଦେଶ ବିପକ୍ଷରେ ଟି-୨୦ ସିରିଜ ଖେଳିବା ପାଇଁ ବାଂଲାଦେଶରେ ପହଞ୍ଚିଛି ପାକିସ୍ତାନ ।  ଆସନ୍ତା ନଭେମ୍ବର ୧୯ରୁ ଆରମ୍ଭ ହେବ ଏହି ତିନି ଟିକିଆ ଟି-୨୦ ସିରିଜ୍ । ତେବେ ଏହି ସିରିଜ ପୂର୍ବରୁ ବିବାଦରେ ପଡ଼ିଛି ପାକିସ୍ତାନ । ମ୍ୟାଚ ପୂର୍ବରୁ ପାକିସ୍ତାନ କ୍ରିକେଟ ଟିମ୍ ବାଂଲାଦେଶ କ୍ରିକେଟ ଗ୍ରାଉଣ୍ଡରେ ପ୍ରାକ୍ଟିସ୍ କରୁଥିବା ସମୟର ଫଟୋ ସୋସିଆଲ ମିଡିଆରେ ଛାଡିଥିଲେ । ସେହି ଫଟୋରେ ଦେଖାଯାଇଥିଲା କି ପାକିସ୍ତାନ ପ୍ରାକ୍ଟିସ୍ ସମୟରେ ପାକିସ୍ତାନ ଜାତୀୟ ପତାକା ପଡ଼ିଆରେ ଲଗାଇଥିଲା । ଯାହାକୁ ନେଇ ଅଡୁଆରେ ପଡ଼ିଛି ପାକିସ୍ତାନ । ପାକିସ୍ତାନର ଏପରି କାର୍ଯ୍ୟକୁ ସୋସିଆଲ ମିଡିଆରେ ତୀବ୍ର ସମାଲୋଚନା କରିଛନ୍ତି ବାଂଲାଦେଶ ଫ୍ୟାନ । ପାକିସ୍ତାନ କ୍ରିକେଟ ଟିମ୍ର ଏପରି କାର୍ଯ୍ୟକୁ ଦେଖି ବାଂଲାଦେଶ ଫ୍ୟାନ ଏହାକୁ ତୀବ୍ର ବିରୋଧ କରିଛନ୍ତି ।

ପାକିସ୍ତାନ ଏହି ଫଟୋ ସେୟାର କରିବା ପରେ ବାଂଲାଦେଶ ଫ୍ୟାନମାନେ କହିଛନ୍ତି କି ଏପରି ଅନ୍ୟ ଏକ ଦେଶକୁ ଆସି ନିଜ ଜାତୀୟ ପତାକା ଲଗାଇବା ଭୁଲ ଅଟେ । ଅନ୍ୟପକ୍ଷରେ ଆଉ କିଛି ଫ୍ୟାନ କହିଛନ୍ତି କି ପାକିସ୍ତାନ ଟିମକୁ ତୁରନ୍ତ ଫେରିଯିବା ଦରକାର । ଆଉ କିଛି ଉପଭୋକ୍ତା ଲେଖିଛନ୍ତି କି ବାଂଲାଦେଶକୁ ବହୁ ଦେଶ କ୍ରିକେଟ ଖେଳିବା ପାଇଁ ଆସିଛନ୍ତି କିନ୍ତୁ ଏମିତି କେହି ନିଜ ଦେଶର ଜାତୀୟ ପତାକା ଏଠାରେ ରଖିନଥିଲେ । ତେବେ ପାକିସ୍ତାନ ଏହା କାହିଁକି କରିଛି ବୋଲି କିଛି ଉପଭୋକ୍ତା ପ୍ରଶ୍ନ କରିଛନ୍ତି ।

Leave a Reply