ପାକିସ୍ତାନରେ ଜୋର ହେଲା ସିନ୍ଧୁଦେଶ ଦାବି, ମୋଦିଙ୍କ ଫଟୋ ସହ ବିକ୍ଷୋଭ

କରାଚି: ପାକିସ୍ତାନର ସିନ୍ଧ୍ ପ୍ରଦେଶରେ ଅଲଗା ଦେଶ ଦାବିରେ ଜୋରାଦାର ବିକ୍ଷୋଭ ହୋଇଛି । ସିନ୍ଧ୍ ପ୍ରଦେଶକୁ ପାକିସ୍ତାନରୁ ଅଲଗା କରି ସିନ୍ଧୁଦେଶ ସ୍ଥାପନା ଦାବିରେ ସାନ୍ ସହରରେ ରବିବାର ଦିନ ବିକ୍ଷୋଭ ହୋଇଛି । ସହରରେ ହଜାର ହଜାର ସଂଖ୍ୟାରେ ବିକ୍ଷୋଭକାରୀ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ଅନ୍ୟ ଅନ୍ତର୍ଜାତୀୟ ନେତାଙ୍କ ଫଟୋ ଧରି ବିକ୍ଷୋଭ କରିଛନ୍ତି ।

#WATCH: Placards of PM Narendra Modi & other world leaders raised at pro-freedom rally in Sann town of Sindh in Pakistan, on 17th Jan.

Participants of the rally raised pro-freedom slogans and placards, seeking the intervention of world leaders in people's demand for Sindhudesh. pic.twitter.com/FJIz3PmRVD

— ANI (@ANI) January 18, 2021

ବିକ୍ଷୋଭକାରୀ ବିଶ୍ୱ ନେତୃତ୍ୱକୁ ସିନ୍ଧର ସ୍ୱାଧିନତା ପାଇଁ ସ୍ୱର ଉଠାଇବାକୁ ଦାବି କରିଛନ୍ତି । ରବିବାର ଦିନ ସିନ୍ଧ୍ ଜାତୀୟତାବାଦୀ ନେତା ଜି ଏମ୍ ସୈୟଦଙ୍କ ଜନ୍ମଦିନ ଥିଲା । ସୈୟଦ ଅଲଗା ସିନ୍ଧୁ ଦେଶ କଥା ପ୍ରଥମେ ଉଠାଇଥିଲେ । ଯେଉଁଥିପାଇଁ ତାଙ୍କୁ ଜୀବିତ ଅବସ୍ଥାରେ ଅନେକ ଥର ପାକିସ୍ତାନ ସରକାର ଗିରଫ କରିଥିଲେ ।

ପାକିସ୍ତାନର ଜମସୋର ଜିଲ୍ଲାରେ ସୈୟଦଙ୍କ ଗୃହନଗରରେ ବିକ୍ଷୋଭକାରୀ ସ୍ୱାଧିନ ସିନ୍ଧୁ ଦେଶ ସପକ୍ଷରେ ସ୍ଲୋଗାନ ଦେଇଥିଲେ । ସେମାନଙ୍କ ଅଭିଯୋଗ ଥିଲା ଯେ, ସିନ୍ଧୁ ଉପତ୍ୟକା ଓ ବୈଦିକ ଧର୍ମର ଘର ସିନ୍ଧ ଉପରେ ବ୍ରିଟିଶ ସରକାର ବେଆଇନ୍ କବଜା କରିଥିଲା ଓ ୧୯୪୭ରେ ଏହାର ନାଗରିକଙ୍କ ମତାମତ ନନେଇ ଇସଲାମିକ ପାକିସ୍ତାନରେ ସାମିଲ କରାଯାଇଥିଲା । ପାକିସ୍ତାନ ସିନ୍ଧର କିଛି ଜାତୀୟତାବାଦୀ ଦଳ ଅଲଗା ସିନ୍ଧୁ ଦେଶ ସପକ୍ଷରେ ଗତ କେଇ ବର୍ଷ ଧରି ଆନ୍ଦୋଳନ କରି ଆସୁଛନ୍ତି । ସେମାନଙ୍କ ଅଭିଯୋଗ ହେଉଛି ପାକିସ୍ତାନ ସିନ୍ଧକୁ ଲୁଟୁଛି ।