ଜାଣନ୍ତୁ କେମିତି ସେମିଫାଇନାଲରେ ପହଞ୍ଚିବ ପାକିସ୍ତାନ

ନୂଆଦିଲ୍ଲୀ: ଚଳିତ ବଶ୍ବକପରେ ପାକିସ୍ତାନ ଏକପ୍ରକାର ସେମିଫାଇନାଲ ଯିବାର ଆଶା ମଉଳି ଯାଇଛି । ତେବେ ଯଦି ଚମତ୍କାର ହୁଏ ତାହେଲେ ପାକିସ୍ତାନ ସେମିରେ ପହଞ୍ଚିପାରେ । କିନ୍ତୁ ପାକିସ୍ତାନ ସେମିଫାଇନାଲରେ ପ୍ରବେଶ କରିବା ପାଇଁ ବାକି ୯ ଟିମର ମ୍ୟାଚ ଗୁଡ଼ିକ ଉପରେ ନିର୍ଭର କରେ । ନିଜେ ବଡ଼ ବ୍ୟବଧାନରେ ଜିତିବା ସହ ଅଷ୍ଟ୍ରେଲିଆ ସମସ୍ତ ମ୍ୟାଚ୍ ହାରିବା ଆବଶ୍ୟକ । ଅନ୍ୟପଟେ ଶ୍ରୀଲଙ୍କା ଏବଂ ଆଫଗାନିସ୍ତାନ ଟିମ ମଧ୍ୟ ପାକିସ୍ତାନ ଉପରେ ନିର୍ଭର କରୁଛି । ପାକିସ୍ତାନ ନିଜର ଶେଷ ମ୍ୟାଚ ଗୁଡ଼ିକରେ ନ୍ୟୁଜିଲାଣ୍ଡ, ବାଂଲାଦେଶ ଏବଂ ଇଂଲଣ୍ଡକୁ ଭେଟିବାକୁ ଯାଉଛି । ଲଗାତାର ଚତୁର୍ଥ ପରାଜୟ ବରଣ କରିସାରିଛି ପାକିସ୍ତାନ ।

କିନ୍ତୁ ଶେଷ ତିନି ମ୍ୟାଚରେ ବଡ଼ ରନ ବ୍ୟବଧାନରେ ଜିତିବାକୁ ପଡ଼ିବ । ଶ୍ରୀଲଙ୍କା ୫ ମ୍ୟାଚରୁ ୨ଟି ବିଜୟ ହାସଲ କରିଥିବାବେଳେ ଅଷ୍ଟ୍ରେଲିଆ ୬ ମ୍ୟାଚରୁ ୪ ବିଜୟ ସହ ଚତୁର୍ଥ ସ୍ଥାନରେ ରହିଛି । ସେପଟେ ନ୍ୟୁଜିଲାଣ୍ଡ ମଧ୍ୟ ୬ ମ୍ୟାଚରୁ ୪ଟି ବିଜୟ ହାସଲ କରିଛି । ଶେଷ ମ୍ୟାଚ ଗୁଡ଼ିକ ସଂଘର୍ଷପୂର୍ଣ୍ଣ ହେବାକୁ ଯାଉଛି । ତେବେ ପାକିସ୍ତାନ ସେମିର ପହଞ୍ଚିବା ଏକପ୍ରକାର ଅନିଶ୍ଚିତତା ଭିତରେ ରହିଛି । ସେମିରେ ପହଞ୍ଚିବା ପାଇଁ ବାକି ଟିମଙ୍କ ସହଯୋଗ ଆବଶ୍ୟକ ରହିଛି । ସମସ୍ତ ଟିମ ଏବେ ଦମଦାର ଫର୍ମରେ ରହିଥିବାବେଳେ ମ୍ୟାଚ ଗୁଡ଼ିକ ସଂଘର୍ଷପୂର୍ଣ୍ଣ ହେଉଛି । ପାକିସ୍ତାନ ଶେଷ ମ୍ୟାଚରେ ଦକ୍ଷିଣ ଆଫ୍ରିକାଠାରୁ ହାରିଛି । ଅମ୍ପାୟାରଙ୍କ ଭୁଲ୍ ନିଷ୍ପତ୍ତି ପାଇଁ ପାକିସ୍ତାନ ପରାଜୟ ବରଣ କରିଥିବା ବିଭିନ୍ନ ମହଲରେ ଚର୍ଚ୍ଚାର ବିଷୟ ପାଲଟିଥିଲା ।