ଭାରତକୁ ପାକିସ୍ତାନ ରେଳ ମନ୍ତ୍ରୀଙ୍କ ପରମାଣୁ ଆକ୍ରମଣ ଧମକ, କହିଲେ ମୁସଲମାନଙ୍କର ହେବନି କ୍ଷତି

ନୂଆଦିଲ୍ଲୀ: ବାଚଳାମୀ ବୟାନ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ପାକିସ୍ତାନ ପୁଣି ପାଗଳାମୀ ଆରମ୍ଭ କରିଛି । ଏବେ ଏବେ ପାକ୍ ବୈଦେଶିକ ମନ୍ତ୍ରା ଶାହ ମହମ୍ମଦ କ୍ୟୁରେସି କାଶ୍ମୀରକୁ ନେଇ ସାଉଦି ଆରବକୁ ଘେରିଥିଲେ । ଯାହାର ଫଳ ଭୋଗିଲେ ପାକ୍ ସେନା ମୁଖ୍ୟ ବାଜୱା । ଅପମାନକୁ ୪୮ ଘଣ୍ଟା ବିତିନି ପୁଣି ପାକିସ୍ତାନ ରେଳ ମନ୍ତ୍ରୀ ଭାରତକୁ ପରମାଣୁ ବୋମା ଫିଙ୍ଗିବା ନେଇ ବାହାସ୍ଫୋଟ ମାରିଛନ୍ତି । ସେ ଧମକ ଦେଇ କହିଛନ୍ତି ପାକିସ୍ତାନ ପାଖେ ଥିବା ପରମାଣୁ ବୋମା ଆସାମ ଯାଏଁ ପହଞ୍ଚି ପାରିବ । ଏତିକି ନୁହେଁ ଶେଖ ରସିଦ ଆହୁରି କହିଛନ୍ତି ଏହି ପରମାଣୁ ଆକ୍ରମଣରେ ମୁସଲମାନଙ୍କର କୌଣସି କ୍ଷତି ହେବନାହିଁ ।

ଯଦି ଭାରତ-ପାକିସ୍ତାନ ଭିତରେ ଯୁଦ୍ଧ ହୁଏ ତେବେ, ତାହା ରକ୍ତାକ୍ତ ଓ ଅନ୍ତିମ ଯୁଦ୍ଧ ହେବ । ପାକିସ୍ତାନ ରେଳ ମନ୍ତ୍ରୀଙ୍କ ଅନୁସାରେ ଭାରତ, ପାକିସ୍ତାନ ଉପରେ ଆକ୍ରମଣ କଲେ ଯୁଦ୍ଧର କୌଣସି ପରିସୀମା ରହିବ ନାହିଁ । ଆମ ପାଖେ ଥିବା ଅସ୍ତ୍ର ମୁସଲମାନଙ୍କ ଜୀବନକୁ ବଞ୍ଚାଇ ଆସମ ପର୍ଯ୍ୟନ୍ତ ଟାର୍ଗେଟ୍ କରିପାରିବ ବୋଲି କହିଛନ୍ତି ଶେଖ୍ ରସିଦ ।

ପ୍ରଥମଥର ଶେଖ୍ ରସିଦ୍ ଏଭଳି ଧମକ ଦେଇନାହାଁନ୍ତି । ପୂର୍ବରୁ ଏମିତି ଅନେକ ଥର ଧମକ ଭରା ବୟାନ ଦେଇ ସେ ଚର୍ଚ୍ଚାକୁ ଆସିଛନ୍ତି । ପୂର୍ବରୁ ସେ ଭାରତ ନାଁ ନନେଇ ପରମାଣୁ ଯୁଦ୍ଧ ଧମକ ଦେଇଥିଲେ । କହିଥିଲେ- ଏବେ ଯୁଦ୍ଧ ପାରମ୍ପରିକ ଭାବେ ହେବ ନାହିଁ ବରଂ ପରମାଣୁ ଯୁଦ୍ଧ ହେବ । ଏକ ପ୍ରଶ୍ନର ଉତ୍ତର ଦେଇ ସେ କହିଥିଲେ- ଏବେ ଏମିତି ଯୁଦ୍ଧ ହେବ ନାହିଁ ଯେଉଁଥିରେ ୪ରୁ ୬ ଦିନ ଯାଏଁ ଟ୍ୟାଙ୍କ, ତୋପ ଚାଲିବ । ସିଧା ସିଧା ପରମାଣୁ ଯୁଦ୍ଧ ହେବ ।

ଶେଖ୍ ରସିଦ କହିଥିଲେ ପାକିସ୍ତାନ ପାଖରେ ୧୨୫ ଗ୍ରାମ ଓ ୨୫୦ ଗ୍ରାମର ପରମାଣୁ ବୋମା ରହିଛି । ଯାହା ଏକ ନିର୍ଦ୍ଦିଷ୍ଟ ଲକ୍ଷ୍ୟକୁ ମାରି ପାରିବ । ଏତିକି ନୁହେଁ ଭାରତ ଜାଣିବା ଦରକାର ଯେ ପାକିସ୍ତାନ ପାଖେ ଥିବା ବୋମା କାହାକୁ ବି ଟାର୍ଗେଟ୍ କରିପାରେ । ଶେଖ୍ ରସିଦଙ୍କ ଏହି ବୟାନ ସେତେବେଳେ ମଧ୍ୟ ସୋସିଆଲ୍ ମିଡିଆରେ ଖୁବ୍ ଭାଇରାଲ ହୋଇଥିଲା । ବାରମ୍ବାର ସେ ଏଭଳି ବୟାନ ଦେଇ ନିଜର ହିଁ ବେଇଜିତ୍ କରୁଛନ୍ତି ।

ରାମ ମନ୍ଦିରକୁ ନେଇ କଣ କହିଥିଲେ ?

ବିଭିନ୍ନ ସମୟରେ ନିଜ ବୟାନକୁ ଚର୍ଚ୍ଚାରେ ରହୁଥିବା ଶେଖ୍ ରସିଦ ଅଯୋଧ୍ୟା ରାମ ମନ୍ଦିର ଭୂମି ପୂଜନକୁ ନେଇ ବୟନା ଦେଇଥିଲେ । ସେ କହିଥିଲେ ଭାରତ ଏବେ ଧର୍ମ ନିରପେକ୍ଷ ଦେଶ ହୋଇନାହିଁ । ବରଂ ଭାରତ ଏକ ଧର୍ମର ଦେଶ ହୋଇଯାଇଛି । ଯାହାର କଡ଼ା ଜବାବ ଦେଇଥିଲା ଭାରତ । ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଥିଲା- ଯେଉଁ ଦେଶ ଆତଙ୍କବାଦକୁ ପ୍ରୋତ୍ସାହନ ଦେଉଛନ୍ତି ସେ ଏହି ପ୍ରକାର ଧାର୍ମିକ ବୟାନ ଦେଇ ସାମ୍ପ୍ରଦାୟିକତା ସୃଷ୍ଟି କରିପାରେ ।