ଛାନିଆ ହେଲାଣି ପାକିସ୍ତାନ, ନିୟନ୍ତ୍ରଣ ରେଖାରେ ବଢାଇଲା ସାମରିକ କାର୍ଯ୍ୟକଳାପ

ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ଉତ୍ତେଜନା ପରେ ଛାନିଆ ପାକିସ୍ତାନ । ନିୟନ୍ତ୍ରଣ ରେଖାରେ ବଢାଇଲା ସାମରିକ କାର୍ଯ୍ୟକଳାପ । ଏଲଓସିରେ ପାକିସ୍ତାନ ମୁତୟନ କଲା ଚୀନ ନିର୍ମିତ SH-15 155mm ଟ୍ରକ ମାଉଣ୍ଟେଡ ହାଓଜିର । ସମ୍ଭାବ୍ୟ ବିପଦର ମୁକାବିଲା ଲାଗି ପଦକ୍ଷେପ ନେଇଛି ପାକିସ୍ତାନ । ଏହି ମୁତୟନ ଯୋଗୁ ସୀମାରେ ପାକିସ୍ତାନର ଶକ୍ତି ବୃଦ୍ଧି ପାଇଛି । ସୀମାରେ ପ୍ରତିରକ୍ଷା ଶକ୍ତି ବୃଦ୍ଧି, ବଙ୍କର ନିର୍ମାଣ, କମ୍ୟୁନିକେସନ ଟାଓ୍ବାର ନିର୍ମାଣ ପ୍ରକ୍ରିୟା ଜାରି ରହିଥିବା ସୂଚନା ମିଳିଛି । ଏକ୍ଷେତ୍ରରେ ଚୀନ ବିଶେଷ ସହାୟତା କରୁଛି । ଏହା ସହ ମାନବବିହୀନ ବାୟୁ ଯାନ ବା ୟୁଏଭି ବି ମୁତୟନ କରାଯାଇଛି । SH-15 155mm ହାଓଜିର ସର୍ବାଧିକ ୫୩ କିଲୋମିଟର ଦୂରକୁ ଗୋଳାବର୍ଷଣ କରିପାରିବ । ଏଥିରେ ରକେଟ ଆସିଷ୍ଟେଡ ପ୍ରୋଜେକ୍ଟାଇଲକୁ ବ୍ୟବହାର କରାଯାଇଥାଏ । ଏହାର ସର୍ବନିମ୍ନ ଗୋଳାବର୍ଷଣ କ୍ଷମତା ରହିଛି ୨୦କିଲୋମିଟର ।