ଆସନ୍ତାକାଲି ନିର୍ବାଚିତ ହେବେ ପାକିସ୍ତାନ ପ୍ରଧାନମନ୍ତ୍ରୀ, ଆଜି ସୁଦ୍ଧା ପ୍ରାର୍ଥୀପତ୍ର ଦାଖଲ
1 min read
ଇସଲାମାବାଦ: ପାକିସ୍ତାନରେ ସରକାର ଗଠନ ପ୍ରକ୍ରିୟା । ଆସନ୍ତାକାଲି(ମାର୍ଚ୍ଚ 3) ନିର୍ବାଚିତ ହେବେ ଦେଶର ପ୍ରଧାନମନ୍ତ୍ରୀ । ଆଜି ସୁଦ୍ଧା ପ୍ରଧାନମନ୍ତ୍ରୀ ପଦ ଲାଗି ପ୍ରାର୍ଥୀପତ୍ର ଦାଖଲ ହେବା ପରେ ଆସନ୍ତାକାଲି ହେବ ଭୋଟ । ଏନେଇ ନ୍ୟାସନାଲ ଆସେମ୍ବ୍ଳି ସେକ୍ରେଟାରିଏଟ ପକ୍ଷରୁ ବିଜ୍ଞପ୍ତି ଜାରି ହୋଇଛି ।
ପ୍ରଧାନମନ୍ତ୍ରୀ ପଦ ଲାଗି ଶେହବାଜ ସରିଫଙ୍କ ନାମକୁ ଘୋଷଣା କରିସାରିଛି ପାକିସ୍ତାନ ମୁସଲିମ ଲିଗ-ଏନ । ତାଙ୍କ ପ୍ରାର୍ଥିତ୍ବକୁ ସମର୍ଥନ କରୁଛନ୍ତି ପାକିସ୍ତାନ ପିପୁଲସ ପାର୍ଟି, ମୁତାହିଦା କ୍ବାମି ମୁଭମେଣ୍ଟ-ପାକିସ୍ତାନ ଓ ଅନ୍ୟାନ୍ୟ ଦଳ । ଗତ ଗୁରୁବାର ସଂସଦ ଅଧିବେଶର ପ୍ରଥମ ଦିବସରେ ସାଂସଦମାନେ ପଦ ଓ ଗୋପନୀୟତାର ଶପଥ ପାଠ କରାଇଥିଲେ। ଦେଶରେ ପାକିସ୍ତାନ ତେହରିକ ଇ ଇନସାଫ ସଂଖ୍ୟା ଗରିଷ୍ଠତା ହାସଲ କରିଥିଲେ ବି ସରକାର ଗଠନ କରିବାକୁ ହୋଇଛି ଅକ୍ଷମ।
