ସିଡନୀରେ ଆଜି ପ୍ରଥମ ସେମିଫାଇନାଲ, ନ୍ୟୁଜିଲାଣ୍ଡକୁ ଫେଟିବ ପାକିସ୍ତାନ

ସ୍ବିଡନୀ: ଟି-ଟ୍ବେଣ୍ଟି ବିଶ୍ବକପ ଟୁର୍ଣ୍ଣାମେଣ୍ଟର ଆଜି ପ୍ରଥମ ସେମିଫାଇନାଲ ମ୍ୟାଚ । ମୁହାଁମୁହିଁ ହେବେ ନ୍ୟୁଜିଲାଣ୍ଡ ଓ ପାକିସ୍ତାନ । ଭାରତୀୟ ସମୟ ଦିନ ସାଢେ ଗୋଟାଏରୁ ସିଡନୀରେ ଆରମ୍ଭ ହେବ ମ୍ୟାଚ୍ । ଲିଗ୍‌ ପର୍ଯ୍ୟାୟରେ ୫ଟିରୁ ୩ଟି ମ୍ୟାଚ ଜିତି ଗ୍ରୁପ ଏର ଶୀର୍ଷରେ ରହିଥିଲା ନ୍ୟୁଜିଲାଣ୍ଡ । ଗ୍ରୁର ବିର ଦ୍ବିତୀୟରେ ରହିଛି ପାକିସ୍ତାନ । ଆଜି ଉଭୟଙ୍କ ମଧ୍ୟରେ ପ୍ରଥମ ସେମିଫାଇନାଲ ଅନୁଷ୍ଠିତ ହେବ ।

ଉଭୟ ଦଳ ପରସ୍ପରକୁ ମାତ ଦେବାକୁ କରିଛନ୍ତି ସ୍ବତନ୍ତ୍ର ରଣନୀତି । ଯେଉଁ ଦଳ ମ୍ୟାଚ ଜିତିବ ସେ ଫାଇନାଲରେ ପ୍ରବେଶ କରିବ । ଏଣୁ ବିଜୟ ଲକ୍ଷ୍ୟରେ ପଡ଼ିଆକୁ ଓହ୍ଲାଇବେ ଉଭୟ ଟିମ୍ । ସେପଟେ ଆସନ୍ତାକାଲି ଭାରତ ଓ ଇଂଲଣ୍ଡ ମଧ୍ୟରେ ଖେଳାଯିବ ଦ୍ବିତୀୟ ସେମି । ଟି-ଟ୍ବେଣ୍ଟି ବିଶ୍ବକପରେ ଇଂଲଣ୍ଡ ବିରୋଧରେ ଭାରତର ପଲ୍ଲା ଭାରି ରହିଛି । ଉଭୟ ଟିମ୍ ମୋଟ ୩ଥର ମୁହାଁମୁହିଁ ହୋଇଥିବାବେଳେ ଭାରତ ୨ଥର ବିଜୟୀ ହୋଇଛି । ଏଣୁ ଏଥର ମଧ୍ୟ ନିଜର ଦବଦବା ଜାରି ରଖିବାକୁ ଉଦ୍ୟମ କରିବ ମେନ ଇନ୍ ବ୍ଲୁ ।