ପୁଣି ବାହାରିବ ଇମ୍ରାନଙ୍କ ଲଙ୍ଗ ମାର୍ଚ୍ଚ, ରାଓ୍ବଲପିଣ୍ଡ ଆସିବାକୁ ସମର୍ଥକଙ୍କୁ ଦେଲେ ଆହ୍ବାନ

ରାଓ୍ବଲପିଣ୍ଡ: ପାକିସ୍ତାନରେ ପୁଣି ବାହାରିବ ପୂର୍ବତନ ପ୍ରଧାନମନ୍ତ୍ରୀ ତଥା ପିଟିଆଇ ଅଧ୍ୟକ୍ଷ ଇମ୍ରାନ ଖାନଙ୍କ ଲଙ୍ଗ ମାର୍ଚ୍ଚ । ଏଥିପାଇଁ ୨୬ ନଭେମ୍ବରକୁ ରାଓ୍ବଲପିଣ୍ଡରେ ପହଞ୍ଚିବାକୁ ନିଜ ସମର୍ଥକଙ୍କୁ ଆହ୍ବାନ ଦେଇଛନ୍ତି ଇମ୍ରାନ । ଏଠାରୁ ଇମ୍ରାନ ଲଙ୍ଗ ମାର୍ଚ୍ଚକୁ ନେଇ କିଛି ବଡ଼ ଘୋଷଣା କରିପାରନ୍ତି ।

ନିଜ ବାସଭବନରେ ଦଳୀୟ କର୍ମୀଙ୍କୁ ଅନଲାଇନରେ ସମ୍ବୋଧିତ କରି ଇମ୍ରାନ କହିଛନ୍ତି, ‘ଏମିତି ସ୍ଥିତିରେ ଦେଶକୁ ଛାଡ଼ି ହେବନି । ୨୬ ନଭେମ୍ବରକୁ ଲାଓ୍ବଲପିଣ୍ଡ ଆସନ୍ତୁ । ସେଠାରେ ଆପଣମାନଙ୍କ ସହ ସାକ୍ଷାତ ହେବ ଓ ଆଗାମୀ ପଦକ୍ଷେପ ସମ୍ପର୍କରେ ଜାଣିବେ ।’

ଆଗକୁ ସେ କହିଥିଲେ, ‘ଯଦି ଦେଶ ଆଜି ଚୁପ ବସିଯିବ ତେବେ ଆଗାମୀ ଭବିଷ୍ୟତ ନିଶ୍ଚିତ ପ୍ରଶ୍ନ କରିବେ ସେମାନଙ୍କ ପରିବାର ଅନ୍ୟାୟକୁ ବିରୋଧ ନକରି ଘରେ ବସି ରହିଲେ ।’ ଇମ୍ରାନ ତାରିଖ ଘୋଷଣା କରିବା ପୂର୍ବରୁ ଏକ ଡାକ୍ତରୀ ଟିମ୍ ତାଙ୍କ ବାସଭବନରେ ତାଙ୍କର ସ୍ବାସ୍ଥ୍ୟ ପରୀକ୍ଷା କରିଥିଲେ ।

ସୂଚନାଯୋଗ୍ୟ, ନଭେମ୍ବର ୩ ତାରିଖରେ ଲଙ୍ଗ ମାର୍ଚ୍ଚ ସମୟରେ ଇମ୍ରାନଙ୍କ ଉପରକୁ ଗୁଳିମାଡ଼ ହୋଇଥିଲା ।