ଏୟାର ଷ୍ଟ୍ରାଇକ ପରେ କୂଟନୈତିକ ସମ୍ପର୍କ କ୍ଷୁର୍ଣ୍ଣ କରିବାକୁ ପାକିସ୍ତାନର ରଣନୀତି

ଇସଲାମାବାଦ: ପାକିସ୍ତାନରେ ଇରାନର ଏୟାର ଷ୍ଟ୍ରାଇକ ପରେ ଦୁଇ ଦେଶ ମଧ୍ୟରେ ବିବାଦ ବଢିବାରେ ଲାଗିଛି । କୁଟନୈତିକ ସମ୍ପର୍କ ଉଭୟ ଦେଶ ମଧ୍ୟରେ ଆହୁରି ବିଗିଡିପାରେ । ପାକିସ୍ତାନ ନିଜ ରାଷ୍ଟ୍ରଦୂତଙ୍କୁ ଇରାନରୁ ଡକାଇଥିବା ବେଳେ ପାକିସ୍ତାନରେ ଥିବା ଇରାନର ରାଷ୍ଟ୍ରଦୂତଙ୍କୁ ପଠାଇଦେଇଛି । ଏଥିସହ ସବୁ ଗସ୍ତକୁ ତୁରନ୍ତ ବାତିଲ କରାଯାଇଛି । ପାକିସ୍ତାନର ବେଲୁଚିସ୍ତାନରେ ସକ୍ରିୟ ଆତଙ୍କବାଦୀ ଜୈଶ-ଏ-ଅଦଲର ଶିବିର ଉପରେ ଆକ୍ରମଣ କରିଥିଲା ଇରାନ ।

ଜୈସ ଏ ଅଦଲ ପାକିସ୍ତାନର ବଲୁଚ ଅଂଚଳରେ ଏକ ସକ୍ରିୟ ଆତଙ୍କୀ ସଂଗଠନ । ଡ୍ରୋନ ସହାୟତାରେ ମିସାଇଲ ଆକ୍ରମଣ କରିଥିଲା ଇରାନ । ହମଲାରେ ଅନେକ ଆତଙ୍କବାଦୀଙ୍କ ନିହତ ହୋଇଥିବା ଇରାନ ଦାବି କରିଛି । ସେପଟେ ଇରାନର ଏହି ଆକ୍ରମଣକୁ ନିନ୍ଦା କରିଛି ପାକିସ୍ତାନ । ହମଲାରେ ଅନେକ ଶିଶୁଙ୍କ ମୃତ୍ୟୁ ହୋଇଥିବା କହିଛି ପାକିସ୍ତାନ ।

ଆକ୍ରମଣ ଘଟଣାରେ ବାୟୁସୀମାର ଉଲ୍ଲଂଘନ କରାଯାଇଥିବା ଅଭିଯୋଗ କରି ଇରାନ ରାଷ୍ଟ୍ରଦୂତଙ୍କୁ ସମନ କରିଛି । ଆକ୍ରମଣର ଗମ୍ଭୀର ପରିଣାମ ଭୋଗିବାକୁ ପଡିପାରେ ବୋଲି ଚେତାବନୀ ଦେଇଛି ପାକିସ୍ତାନ । ଇରାନ ସେନା ଉପରେ ଜୈସ ଏ ଅଦଲର ଆତଙ୍କୀ ଆକ୍ରମଣ କରିଥିଲା । ଏହାର ଜବାବରେ ଇରାନର ରିଭୋଲ୍ୟୁଶାନାରୀ ଗାର୍ଡ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।