ନନ୍ଦିଘୋଷ ବ୍ୟୁରୋ: ପହଲଗାଓଁ ଆତଙ୍କବାଦୀ ହମଲାକୁ ନେଇ ଭାରତର ଟାର୍ଗେଟରେ ପାକିସ୍ତାନ । କେଉଁ ସମୟରେ ବି ପାକ ଉପରେ ଆକ୍ରମଣ କରିପାରେ ଭାରତ। ଏନେଇ ପାକ ସେନା ହାଇ ଅଲର୍ଟରେ ଥିବା ସୂଚନା ଦେଇଛନ୍ତି ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖ୍ବାଜା ମହମ୍ମଦ ଆସିଫ। ଭାରତ ଯେକୌଣସି ସମୟରେ ପାକିସ୍ତାନ ଉପରେ ଆକ୍ରମଣ କରିପାରେ ବୋଲି କହିଛନ୍ତି ଖ୍ବାଜା ମହମ୍ମଦ ଆସିଫ୍।
ଖ୍ୱାଜା ମହମ୍ମଦ ଆସିଫଙ୍କ ଏହି ବୟାନ ହଇଚଇ ସୃଷ୍ଟି କରିଛି। କାଶ୍ମୀରରେ ପର୍ଯ୍ୟଟକଙ୍କ ଉପରେ ଆତଙ୍କୀ ଆକ୍ରମଣ ଯୋଗୁ ଦୁଇ ପରମାଣୁ ଶକ୍ତିସମ୍ପନ୍ନ ରାଷ୍ଟ୍ର ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଫଳରେ ଭାରତର ପ୍ରତିଜବାବକୁ ନେଇ ପାକିସ୍ତାନ ଭୟରେ ରହିଛି। ଏହାରି ଭିତରେ ପାକିସ୍ତାନର ପ୍ରତିରକ୍ଷା ମନ୍ତ୍ରୀଙ୍କ ଏଭଳି ସୂଚନା ନିଜ ଦେଶର ସେନାକୁ ଚିନ୍ତାରେ ପକାଇଛି । ପାକିସ୍ତାନ ଆତଙ୍କବାଦୀଙ୍କୁ ଆଶ୍ରୟ ଦେଉଥିବା ନେଇ ଅଭିଯୋଗ ହେଉଛି।
