ଫଟୋ ସେୟାର କରି ହୃଦୟ ଜିତିଲେ ପାକିସ୍ତାନ କ୍ରିକେଟର୍
1 min read
ନୂଆଦିଲ୍ଲୀ : ଅଯୋଧ୍ୟା ରାମ ମନ୍ଦିରରେ ରାମଲଲ୍ଲାଙ୍କୁ ସ୍ଥାପନ କରାଯାଇଛି । ରାମଲଲ୍ଲାଙ୍କ ପାଇଁ ଅଯୋଧ୍ୟାରେ ଧର୍ମିକ ରୀତିନୀତି ଜାରି ରହିଛି । ଏ ସବୁ ଭିତରେ ଜଣେ ପାକିସ୍ତାନର ଜଣେ ପୂର୍ବତନ କ୍ରିକେଟର ଖୁସି ଥିବାର ଜଣାପଡିଛି । ପାକିସ୍ତାନର ପୂର୍ବତନ କ୍ରିକେଟର ଦାନିଶ କନେରିଆ ରାମ ମନ୍ଦିର ଉପରେ ଏକ ବିବୃତ୍ତି ଦେଇଛନ୍ତି । ସେ ରାମଲଲ୍ଲାଙ୍କ ଫଟୋ ମଧ୍ୟ ଶେୟାର କରିଛନ୍ତି ।
ରାମଲଲ୍ଲାଙ୍କ ନୂତନ ପ୍ରତିମା ରାମ ମନ୍ଦିରର ଗର୍ଭଗୃହରେ ସ୍ଥାପନ କରାଯାଇଛି । ଗତକାଲି ଏହାର ଫଟୋ ମଧ୍ୟ ସାମ୍ନାକୁ ଆସିଥିଲା। ସମସ୍ତେ ଏହାକୁ ସୋସିଆଲ ମିଡିଆରେ ଶେୟାର କରିଛନ୍ତି । ଏହାରି ମଧ୍ୟରେ ପାକିସ୍ତାନ କ୍ରିକେଟ ଦଳର ପୂର୍ବତନ ଲେଗ ସ୍ପିନର ଦାନିଶ କନେରିଆ ମଧ୍ୟ ନୂତନ ପ୍ରତିମୂର୍ତ୍ତିର ଫଟୋ ଶେୟାର କରି ଏକ ଚମତ୍କାର କ୍ୟାପଶନ ଲେଖିଛନ୍ତି ।
मेरे रामलला विराजमान हो गए ? pic.twitter.com/mZX1jpLlT9
— Danish Kaneria (@DanishKaneria61) January 19, 2024
ସୋସିଆଲ ମିଡିଆ ସାଇଟ ଏକ୍ସରେ ଦାନିଶ ଲେଖିଛନ୍ତି, ମୋ ରାମଲଲ୍ଲା ବିରାଜମାନ ହୋଇଛନ୍ତି । ଏହା ସହ ସେ ଏକ ଇମୋଜି ମଧ୍ୟ ଲଗାଇଛନ୍ତି । ଯେଉଁଥିରୁ ଜଣାପଡୁଛି ଯେ, ସେ ଏହାକୁ ନେଇ ବହୁତ ଖୁସି ଅଛନ୍ତି । ତେବେ କନେରିଆ ପ୍ରଥମ ଥର ପାଇଁ ରାମ ମନ୍ଦିର ଉପରେ ପ୍ରତିକ୍ରିୟା ପ୍ରକାଶ କରିନାହାଁନ୍ତି । ଏହା ପୂର୍ବରୁ ମଧ୍ୟ ରାମ ମନ୍ଦିର ଉପରେ ଅନେକ ଥର ପ୍ରତିକ୍ରିୟା ଦେଇଛନ୍ତି ।
