ବଢୁଛି ପାକିସ୍ତାନରେ ବଳତ୍କାର, ଆଇନ ଆଣିଲେ ଇମ୍ରାନ୍ ସରକାର
ଇସଲମାବାଦ: ପାକିସ୍ତାନ କ୍ୟାବିନେଟର ବଡ଼ ବିଲ ପ୍ରାରିତ । ସଂସଦରେ ଗୃହିତ ହେବାପରେ ମୋହର ମାରିଛନ୍ତି ପାକ୍ ରାଷ୍ଟ୍ରପତି ଆରିଫ ଅଲବି । ଇମ୍ରାନ ଖାନ ସରକାର ଏବି ବଡ଼ ନିଷ୍ପତ୍ତି ନେଇଛନ୍ତି । ଦେଶରେ ଗୋଟେପଟେ ନାବାଳିକା ବଳତ୍କାର ଏବଂ ଗଣଦୁଷ୍କର୍ମ ବଢି ଚାଲିଛି । ଏପରି ସ୍ଥଳେ ଇମ୍ରାନ ଖାନ ସରକାର ବଳତ୍କାର ବିରୋଧରେ ଆଣିଛନ୍ତି ବିଲ୍ ।
ଯଦି କୌଣସି ଦୁଷ୍କର୍ମ ମାମଲାରେ କେହି ଦୋଷୀ ସାବସ୍ତ୍ୟ ହୁଏ । ତେବେ ଉକ୍ତ ଅଭିଯୁକ୍ତକୁ ନଂପୁସକ କରାଯିବ ବୋଲି ନିଷ୍ପତ୍ତି ନେଇଛନ୍ତି ପାକିସ୍ତାନ ସରକାର । ଅପରାଧିଙ୍କୁ ନଂପୁସକ କରିବା ନେଇ ଏକ ମେଡିସିନ ଦିଆଯିବ । ଫଳରେ ଆଗାମୀ ଦିନରେ ଯେପରି କୌଣସି ଏପରି ଘଟଣା ସେମାନେ ଘଟାଇ ପାରିବେ ନାହିଁ ।
ପାକିସ୍ତାନ ବଳତ୍କାର ମାମଲା ବଢିଚାଲିଥିବାବେଳେ ଇମ୍ରାନ ଖାନ ସରକାର ତାଙ୍କ ସଂସଦରେ ଏହି ବିଲ ପାରିତ କରିଥିଲେ । ଏହାକୁ ଶେଷରେ ଆଜି ରାଷ୍ଟ୍ରପତି ମୋହର ମାରିଛନ୍ତି । ଏଭଳି କଠିନ ଦଣ୍ଡ ଦ୍ୱାରା ଯେପରି କେହି ଦୁଷ୍କର୍ମ କରିବାକୁ ସାହାସ କରିବେ ନାହିଁ ବୋଲି କହିଛନ୍ତି ଇମ୍ରାନ ସରକାର ।
ସେପଟେ ଏହି ଆଇନ ଲାଗୁହେବା ପରେ ସମଗ୍ର ପାକିସ୍ତାନରେ ମହିଳା ଓ ଶିଶୁ କନ୍ୟାଙ୍କ ପାଇଁ ସ୍ୱତନ୍ତ୍ର ଆଇନ ବ୍ୟବସ୍ଥା କରାଯିବ । ଦେଶରେ ମହିଳାଙ୍କ ସହ ଘଟୁଥିବା କିଛି ଅପ୍ରିତିକର ମାମଲାକୁ କୋର୍ଟରେ ତୁରନ୍ତ ପହଁଚାଯିବା ସହ ତାହାର ତ୍ୱରିତ ବିଚାର କରାଯିବ । ପ୍ରମୁଖତଃ ଯଦି କୌଣସି ଦୁଷ୍କର୍ମ, ନିର୍ଯାତନା ଭଳି ଖବର ଆସେ, ତେବେ କୋର୍ଟ ତୁରନ୍ତ ବିଚାର କରିବା ନେଇ ଇମ୍ରାନ ଖାନ ସରକାର ନିର୍ଦ୍ଦେଶ ଦେଇଛନ୍ତି ।
